DIO əməkdaşları tərəfindən vətəndaşlardan narkotik vasitələr götürülmüşdür

10.03.2006

Cinayət Məcəlləsinin 177-ci maddəsi ilə axtarışda olan Həsən Səfərov Nəsimi RPİ əməkdaşlarının keçirdikləri əməliyyat tədbiri nəticəsində tutularkən ondan 0,208 qr heroin götürülmüşdür. Narkotik maddəni ona 150 min manata satmış, Ağcabədi rayon sakini, əvvəllər məhkum olunmuş, Asif Mirzəyev tutulmuşdur. A.Mirzəyevdən də 0,155 qr heroin və 1 ədəd tibb tərəzisi götürülmüşdür. Yasamal RPİ əməkdaşlarının keçirdikləri əməliyyat tədbiri nəticəsində, Bakı şəhər sakini, əvvəllər məhkum olunmuş Mirzə Axundovdan 0,198 qr heroin götürülmüşdür. DİN Baş Narkotiklərlə Mübarizə İdarəsinin Qərb bölgəsində regional şöbəsi və Qazax RPŞ əməkdaşlarının birgə keçirdikləri əməliyyat tədbiri nəticəsində, Tovuz şəhər sakini, əvvəllər məhkum olunmuş Yunis Quliyev 924,78 qr marixuananı satarkən tutulmuşdur. DİN Baş Narkotiklərlə Mübarizə İdarəsinin Cənub bölgəsində regional şöbəsi əməkdaşlarının keçirdikləri əməliyyat tədbiri nəticəsində, Astara rayon sakini, Mərdan Həsənovdan 1,156 qr heroin götürülmüşdür.