Qaradağ rayonunun Xocəsən qəsəbəsi ərazisində yol-nəqliyyat hadisəsi nəticəsində 1 nəfər həlak olmuşdur
26.02.2010Fevralın 26-da saat 09.30 radələrində Qaradağ rayonunun Xocəsən qəsəbəsi ərazisində, DİN Daxili Qoşunları Baş İdarəsinin "N" saylı hərbi hissəsinin əsgəri Səhrab Məmmədovun idarə etdiyi "Land-Rover" markalı və sürücüsünün şəxsiyyəti hələlik müəyyən edilməmiş "Ford" markalı avtomaşınlar toqquşmuş, nəticədə "Land-Rover" markalı avtomaşın aşmışdır. Hadisə zamanı sürücü S.Məmmədov və onun 9 sərnişini müxtəlif dərəcəli bədən xəsarətləri alaraq xəstəxanaya yerləşdirilmişlər. Sərnişinlərdən biri xəstəxanada vəfat etmişdir. Qaradağ RPİ tərəfindən əməliyyat-axtarış və istintaq tədbirləri həyata keçirilir.