Yanvarın 22-nə keçən gecə Nərimanov rayonu A.Nemətulla küçəsində, sürücüsünün şəxsiyyəti müəyyən edilməmiş “İveko” markalı avtomaşınla Bakı şəhər sakini Nazim Məmmədov vurulmuşdur. Nəticədə xəsarətlə xəstəxanaya yerləşdirilmiş N.Məmmədov orada ölmüşdür. Nərimanov RPİ əməkdaşlarının keçirdikləri əməliyyat-axtarış tədbirləri nəticəsində hadisəni törətmiş avtomaşının sürücüsü, Kürdəmir rayon sakini Rauf Şahgəldiyev tutulmuşdur. Nərimanov RPİ tərəfindən araşdırmalar aparılır.