DIO əməkdaşları tərəfindən vətəndaşlardan narkotik vasitələr götürülmüşdür

24.02.2006

Bakı şəhər BPİ Narkotiklərlə Mübarizə İdarəsi əməkdaşlarının keçirdikləri əməliyyat tədbiri nəticəsində, əvvəllər məhkum olunmuş Aslan Bədəlov 30,31 qr həşişi 1 milyon 250 min manata satarkən tutulmuşdur. A.Bədəlovdan əlavə olaraq 1,88 qr həşiş götürülmüşdür. Səbail RPİ 39-cu PB əməkdaşlarının keçirdikləri əməliyyat tədbirləri nəticəsində Bakı şəhər sakini Aysel Zahidovaya qarşı zor tətbiq edərək mobil telefonunu ondan almış Neftçala rayon sakini, əvvəllər məhkum olunmuş Müşviq Hacıyev tutulmuşdur. M.Hacıyevdən 0,211 qr heroin götürülmüşdür. Nəsimi RPİ əməkdaşlarının keçirdikləri əməliyyat tədbiri nəticəsində Bakı şəhəri, H.Cavid küçəsi ev 58-də yaşayan, əvvəllər məhkum olunmuş Yaşar Tanrıverdiyevdən 0,248 qr, Ağdaş RPŞ əməkdaşlarının keçirdikləri əməliyyat tədbiri nəticəsində isə Ağdaş rayon sakinləri Vüqar Abdullayevdən 0,331 qr, Fuad Xəlilovdan isə 0,189 qr heroin götürülmüşdür.