Saat 12.00 radələrində Sabunçu rayonu Bakıxanov qəsəbəsində naməlum şəxs qəsəbə sakini Asif Səmədovun bankomat kartını əlindən alaraq qaçmışdır. Sabunçu RPİ 13-cü PB əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Fuad Baxşiyev tutulmuş, ondan 0,182 qram heroin götürülmüşdür. Ətrafında aparılmış əməliyyat tədbirləri nəticəsində onun yanvarın 1-də Sabunçu qəsəbə sakini Qurbanqulu Hüseynovun, yanvarın 4-də isə Bakıxanov qəsəbə sakini Şəfiqə Məmətiyevanın bankomat kartlarını əllərindən alması müəyyən edilmişdir.