DİO əməkdaşları tərəfindən vətəndaşlardan narkotik vasitələr götürülmüşdür

07.12.2005

Baş Narkotiklərlə Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində Xırdalan qəsəbə sakini Aqil Muxtarov 15,49 qram marixuananı, qəsəbdə məskunlaşmış Ağdam rayon sakini Elman Quliyevə satarkən tutulmuşlar. Baş Narkotiklərlə Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində qanunsuz olaraq psixotrop dərman preparatlarının satışı ilə məşğul olan Bakı şəhər sakini Mahirə Əsədova tutulmuşdur. Onun müdir işlədiyi əczəxanada 5 adda 3638 həb və 19 ədəd ampula psixotrop dərman preparatları aşkar edilərək götürülmüşdür. Əli Bayramlı şəhər sakini Rail Rəhimov 1,876 qram heroini könüllü olaraq Bakı şəhər BPİ Narkotiklərlə Mübarizə İdarəsinə təhvil vermişdir. Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının keçirdikləri əməliyyat-axtarış tədbirləri nəticəsində Lənkəran şəhər sakini, əvvəllər məhkum olunmuş Ramin Talıbova məxsus "VAZ-21011" markalı avtomaşından 0,586 qram heroin götürülmüşdür. Nəsimi RPİ 21-ci PB əməkdaşlarının keçirdikləri əməliyyat-axtarış tədbiri nəticəsində Bakı şəhər sakini Ramil Əmiraslanovdan 0,214 qram heroin götürülmüşdür.