DIO məkdaşları tərəfindən vətəndaşlardan narkotik vasitələr götürülmüşdür

02.12.2005

Baş Narkotiklərlə Mübarizə İdarəsi əməkdaşlarının keçirdikləri əməliyyat-axtarış tədbiri nəticəsində Xırdalan qəsəbə sakini, əvvəllər məhkum olunmuş Nəzir Mirzəyevə məxsus ərzaq məhsulları mağazasında satış məqsədi ilə saxladığı 203,96 qram marixuana aşkar edilərək götürülmüşdür. Baş Narkotiklərlə Mübarizə İdarəsinin Cənub bölgəsində regional şöbəsinin əməkdaşlarının keçirdikləri əməliyyat-axtarış tədbirləri nəticəsində İran İslam Respublikasının vətəndaşı Rza Əbdüləli oğlu Tahirmüqəddənin özü ilə gətirdiyi və sərhəd zolağının ərazisində gizlətdiyi 1 kiloqram 5 qram tiryək və 495 qram həşiş aşkar edilərək götürülmüşdür. Nəsimi RPİ 22-ci PB əməkdaşlarının keçirdikləri əməliyyat-axtarış tədbiri nəticəsində Mirağa Əzizova məxsus mağazadan 2 ədəd gödəkçəni oğurlamış, Masallı rayon sakini, əvvəllər məhkum olunmuş Şərif Novruzov tutulmuşdur. Ş.Novruzovdan 1,52 qram tiryək götürülmüşdür. Kürdəmir RPŞ əməkdaşlarının keçirdikləri əməliyyat-axtarış tədbiri nəticəsində Dəyirmanlı kənd sakini Pənah Məmmədovdan 29,2 qram marixuana, Sumqayıt ŞPİ əməkdaşlarının keçirdikləri əməliyyat-axtarış tədbiri nəticəsində, şəhər sakinləri, əvvəllər məhkum olunmuşlar Mayis Şabanovdan 0,237 qram heroin, Tofiq Sahib oğlu Səfərovdan isə 0,241 qr heroin götürülmüşdür.