Yevlax rayonu ərazisində yol-nəqliyyat hadisəsi
25.01.2009 Saat 19.30 radələrində Yevlax rayonu ərazisində Mingəçevir şəhər sakini Elşən Babayev "BMW" markalı avtomaşını idarə edərkən onu yolun kənarında dayanmış Yevlax rayon sakini İlham Məmmədliyə məxsus "VAZ-2106" markalı avtomaşına vurmuşdur. Nəticədə İ.Məmmədlinin sərnişini, həmyerlisi Dilqəm Balakişiyev hadisə yerində ölmüş, xəsarət almış İ.Məmmədli və sərnişinləri, həmyerliləri Rövşən Dəvrişov, Anar Hüseynov və Elnur Kərimov isə xəstəxanaya yerləşdirilmişlər. Yevlax RPŞ tərəfindən araşdırmalar aparılır.
Çap et