Ümumi çəkisi 1,6 kiloqramdan artıq narkotik vasitə və 47 ədəd çətənə kolu aşkar olunaraq götürülüb

01.12.2024

Polis əməkdaşlarının keçirdikləri əməliyyat tədbirləri ilə noyabrın 30-da və dekabrın 1-də ümumi çəkisi 1,6 kiloqramdan artıq narkotik vasitə, həmçinin kultivasiya yolu ilə yetişdirilmiş 47 ədəd çətənə kolu aşkar olunaraq götürülüb.Bu istiqamətdə qətiyyətli mübarizə tədbirləri davam etdirilir.

Dələduzluğa görə axtarışda olan 4 nəfər saxlanılaraq istintaqa təhvil verilib

01.12.2024

Polis əməkdaşlarının noyabrın 30-da və dekabrın 1-də keçirdikləri əməliyyat tədbirləri ilə dələduzluğa görə axtarışda olan 4 nəfər saxlanılaraq istintaqa təhvil verilib. 

İtkin düşmüş kimi axtarışı aparılan 2 nəfər tapılaraq aidiyyəti üzrə təhvil verilib

01.12.2024

Noyabrın 30-da və dekabrın 1-də polis əməkdaşlarının keçirdikləri tədbirlərlə ailə üzvlərini məlumatdırmadan yaşadığı ünvanı tərk etdiyinə görə itkin düşmüş kimi axtarışı aparılan 2 nəfər tapılaraq aidiyyəti üzrə təhvil verilib.

Polis Bakı və Sumqayıtda avtomobil qaçırmaqda şübhəli bilinən şəxsləri saxlayıb

01.12.2024

Noyabrın 30-da səhər saatlarında Ceyranbatan qəsəbəsi ərazisindən “Mercedes” markalı avtomobilin qaçırılması barədə polisə məlumat daxil olub. Sumqayıt ŞPİ 5-ci Polis Bölməsi əməkdaşlarının keçirdikləri tədbirlərlə nəqliyyat vasitəsini qaçırmaqda şübhəli bilinən 22 yaşlı C.Məmmədli avtomobillə birgə saxlanılıb.Nəsimi RPİ 19-cu Polis Şöbəsi əməkdaşlarının keçirdikləri tədbirlərlə isə rayon ərazisindən “VAZ-2106” markalı avtomobil qaçırmaqda şübhəli bilinən, əvvəllər məhkum olunmuş 38 yaşlı Z.Məmmədov müəyyən olunaraq saxlanılıb. Avtomobil Sabunçu rayonunun Pirşağı qəsəbəsi ərazisində aşkar olunub.Faktlarla bağlı araşdırmalar aparılır.

Nəsimi rayonu ərazisində yerləşən mağazaların birində bir nəfərin pulqabısını oğurlamaqda şübhəli bilinən A.Abdullayev saxlanılıb

01.12.2024

Nəsimi rayonu ərazisində yerləşən mağazaların birində saxlanc yerindən bir nəfərin içərisində pulu, 2000 manat dəyərində qızıl üzüyü, sənəd və bank kartları olan pulqabısının oğurlanması barədə polisə məlumat daxil olub.Nəsimi RPİ 20-ci Polis Şöbəsi əməkdaşlarının keçirdikləri tədbirlərlə oğurluq əməlini törətməkdə şübhəli bilinən 32 yaşlı A.Abdullayev müəyyən olunaraq saxlanılıb.Araşdırma aparılır. 

Binəqədi rayonu ərazisində oğurluğa cəhd göstərən 3 nəfər polis əməkdaşları tərəfindən yaxalanıb

01.12.2024

Binəqədi rayonu ərazisində yerləşən inzibati binaların birinin həyətindən 650 manat dəyərində borunu “Mercedes” markalı avtomobilə yükləyərək oğurlamağa cəhd göstərən 39 yaşlı K.Musayev, 47 yaşlı  V.Namazov və 20 yaşlı C.Əlizadə Binəqədi RPİ 5-ci Polis Bölməsinin əməkdaşları tərəfindən saxlanılıblar.Araşdırma aparılır. 

Gün ərzində ölkə ərazisində qeydə alınan 33 cinayətin açılması təmin olunub

30.11.2024

Noyabrın 30-da ölkə ərazisində qeydə alınan 32, əvvəlki dövrlərdən bağlı qalan 1 cinayətin açılması polis əməkdaşları tərəfindən təmin olunub.

Polis Binəqədi və Nizami rayonlarında dələduzluqda şübhəli bilinən 2 nəfəri müəyyən edərək saxlayıb 

30.11.2024

Binəqədi RPİ 43-cü Polis Bölməsi əməkdaşlarının keçirdikləri tədbirlərlə bir nəfərin 251.000 ABŞ dollarını dələduzluq yolu ilə ələ keçirməkdə şübhəli bilinən 34 yaşlı E.Gözəlov, Nizami RPİ 24-cü Polis Şöbəsi əməkdaşlarının keçirdikləri tədbirlərlə isə bir nəfərin 10.000 ABŞ dollarını dələduzluq yolu ilə ələ keçirməkdə şübhəli bilinən 46 yaşlı V.Rzayev müəyyən olunaraq saxlanılıblar.Faktlarla bağlı araşdırmalar aparılır. 

Xırdalan şəhər sakini olan bir qadının bank kartından 240 manatını oğurlamaqda şübhəli bilinən R.İsmayılov saxlanılıb

30.11.2024

Abşeron Rayon Polis İdarəsi əməkdaşlarının keçirdikləri tədbirlərlə Xırdalan şəhər sakini olan qadının bank kartından 240 manatını oğurlamaqda şübhəli bilinən 20 yaşlı R.İsmayılov müəyyən olunaraq saxlanılıb.Araşdırma aparılır.

Gün ərzində ölkə ərazisində qeydə alınan 49 cinayətin açılması təmin olunub

29.11.2024

Noyabrın 29-da ölkə ərazisində qeydə alınan 42, əvvəlki dövrlərdən bağlı qalan 7 cinayətin açılması polis əməkdaşları tərəfindən təmin olunub.