Axtarış

Virtual Karabakh Justice for khojaly

Krimnal xronika

tarixindən tarixinə
Gün ərzində törədilmiş 43 cinayətin üstü “isti izlər”lə açılmışdır
24 yanvar 2021

Respublikanın daxili işlər orqanları tərəfindən, gün ərzində törədilmiş 43 cinayətin üstü “isti izlər”lə açılmışdır.  

  • Əvvəlki dövrlərdən bağlı qalmış 10 cinayətin açılması təmin olunmuşdur.    
  • Axtarışda olduğuna görə ümumilikdə 7 nəfər, o cümlədən borclu şəxs qismində axtarışda olan 2 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 1 yol-nəqliyyat hadisəsi baş vermiş, nəticədə 1 nəfər ölmüşdür. 
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 30, qanunsuz saxlanılan silah-sursatla bağlı 4 fakt müəyyən edilmişdir.
  • Cinayət törətməkdə şübhəli bilinən 60 nəfər saxlanılmışdır.

Zaqatala rayonunun Muxax kəndi ərazisində yol-nəqliyyat hadisəsi
24 yanvar 2021

Yanvarın 24-də saat 19 radələrində Zaqatala rayonunun Muxax kəndi ərazisində Aşağı Tala kənd sakini A.Musayev idarə etdiyi “VAZ-21099” markalı avtomobili aşırmışdır. Nəticədə xəsarətlə xəstəxanaya yerləşdirilmiş sürücü orada ölmüşdür.
Zaqatala RPŞ tərəfindən araşdırma aparılır.

Oğurluq etməkdə şübhəli bilinən Bakı şəhər sakini R.Mirzəxanov saxlanılmışdır
24 yanvar 2021

Binəqədi RPİ 43-cü PB əməkdaşlarının keçirdikləri əməliyyat-axtarış tədbirləri nəticəsində yanvarın 7-dən 17-dək olan müddətdə rayon ərazisindəki bir həyətyanı sahədən məişət əşyaları və bir avtomobildən akkumulyator oğurlamaqda şübhəli bilinən Bakı şəhər sakini R.Mirzəxanov saxlanılmışdır.

Oğurluqda şübhəli bilinən Bakı şəhər sakinləri R.Qazıyev və Ö.Musayev saxlanılmışlar
24 yanvar 2021

Səbail RPİ 8-ci PB əməkdaşlarının keçirdikləri əməliyyat-axtarış tədbirləri nəticəsində ötən il dekabrın 5-də rayon ərazisindəki evlərin birindən 2640 manat dəyərində müxtəlif əşyalar oğurlamaqda şübhəli bilinən Bakı şəhər sakinləri R.Qazıyev və Ö.Musayev saxlanılmışlar.

Zabrat qəsəbəsində yaşayan A.Mirzəyevin evinə baxış zamanı oradan narkotik vasitə və odlu silah aşkar edilərək götürülümşdür
24 yanvar 2021

Sabunçu RPİ 15-ci PB əməkdaşlarının daxil olmuş məlumat əsasında keçirdikləri əməliyyat tədbiri nəticəsində Zabrat qəsəbəsi Nizami küçəsində yaşayan A.Mirzəyevin evinə baxış zamanı oradan 28 qrama yaxın heroin, 20 qramdan artıq metamfetamin, 4 qrama yaxın tiryək, 1 ədəd “Mauzer” markalı tapança və 1 ədəd “AK-47” markalı təlim silahı patron darağı ilə birgə aşkar edilərək götürülmüşdür.

Oğurluqda şübhəli bilinən Bakı şəhər sakini V.Məmmədov saxlanılmışdır
24 yanvar 2021

Suraxanı RPİ 30-cu PŞ əməkdaşlarının keçirdikləri əməliyyat-axtarış tədbirləri nəticəsində yanvarın 11-dən 23-dək olan müddətdə Hövsan qəsəbəsi ərazisindəki evlərin birindən 1424 manat dəyərində təmir-tikinti alətləri, bir şadlıq sarayından 860 manat dəyərində, bir yardımçı otaqdan isə 4000 manat dəyərində təmir-tikinti alətləri və məişət əşyaları oğurlamaqda şübhəli bilinən Bakı şəhər sakini V.Məmmədov saxlanılmışdır.

Oğurluqda şübhəli bilinən Bakı şəhər sakinləri R.Qocayev və C.Abdullayev saxlanılmışlar
24 yanvar 2021

Suraxanı RPİ 31-ci PB əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evlərin birindən təmir-tikinti alətləri oğurlamaqda şübhəli bilinən Bakı şəhər sakinləri R.Qocayev və C.Abdullayev saxlanılmışlar.

Ətrafında aparılmış əməliyyat tədbirləri ilə onun paytaxt sakini A.İsmayılova ilə birgə Əmircan qəsəbəsi ərazisindəki Baytarlıq idarəsindən 567 manat dəyərində dərman preparatları, təmir-tikinti alətləri, 5 həyətyanı sahədən isə su mühərriki, velosiped, kombi və təmir-tikinti alətləri oğurlaması da müəyyən edilmişdir.

Davam etdirilən tədbirlərlə A.İsmayılova da polis əməkdaşları tərəfindən saxlanılmışdır.

Oğurluqda şübhəli bilinən Xırdalan şəhər sakini R.Sadıxov saxlanılmışdır
24 yanvar 2021

Abşeron RPİ əməkdaşlarının keçirdikləri əməliyyat-axtarış tədbirləri nəticəsində rayon ərazisindəki iki evdən ümumilikdə 3 ədəd televizor oğurlamaqda şübhəli bilinən Xırdalan şəhər sakini, əvvəllər məhkum olunmuş R.Sadıxov saxlanılmışdır.
Ətrafında aparılmış əməliyyat tədbirləri ilə onun E.Bəhlulzadəni aldadıb ondan 1380 manat dəyərində qızıl-zinət əşyaları alması, habelə Cinayət Məcəlləsinin 177-ci (oğurluq)  maddəsi ilə axtarışda olması da müəyyən edilmişdir.

Oğurluqda şübhəli bilinən Bərdə şəhər sakini V.Bəndəliyev saxlanılmışdır
24 yanvar 2021

Bərdə RPŞ əməkdaşlarının keçirdikləri əməliyyat-axtarış tədbirləri nəticəsində ötən il noyabrın 10-da rayon ərazisindəki mağazaların birindən 1500 manat dəyərində danışıq kartı, spirtli içki, meyvə şirəsi və tütün məmulatı oğurlamaqda şübhəli bilinən şəhər sakini, əvvəllər məhkum olunmuş V.Bəndəliyev saxlanılmışdır.

Oğurluqda şübhəli bilinən Salyan şəhər sakinləri K.Salahov və S.Quliyev saxlanılmışlar
24 yanvar 2021

Salyan RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 23-də rayon ərazisindəki restoranların birindən 3000 manat dəyərində 2 ədəd televizor oğurlamaqda şübhəli bilinən şəhər sakinləri, əvvəllər məhkum olunmuşlar -  K.Salahov və S.Quliyev saxlanılmışlar.
Davam etdirilən tədbirlərlə S.Quliyevdən 1 ədəd bıçaq və 2 ədəd metadon həbi aşkar edilərək götürülmüşdür.