Avtomobili qaçırmaqda şübhəli bilinən Kürdəmir rayon sakini Aslan Abdullayev avtomobillə birgə saxlanılmışdır
17.03.2018Martın 16-da Yasamal rayonu ərazisindəki avtoyuma məntəqələrinin birindən Bakı şəhər sakini Azər Kazımova məxsus “Honda” markalı avtomobil qaçırılmışdır.
DİN-in Təhlükəsiz Şəhər Xidməti, Bakı şəhər BPİ, Nizami RPİ 25-ci PB və Yasamal RPİ 27-ci PB əməkdaşlarının keçirdikləri əməliyyat-axtarış tədbirləri nəticəsində avtomobili qaçırmaqda şübhəli bilinən Kürdəmir rayon sakini Aslan Abdullayev avtomobillə birgə Q.Qarayev prospektində saxlanılmışdır.
Yasamal RPİ tərəfindən araşdırma aparılır.
Çap et