Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Bakı şəhər sakini Cəmilə Musayeva və Xaçmaz şəhər sakini Etibar Cavadov oğurluq etməkdə şübhəli bilindiklərinə görə saxlanılıblar
24 fevral 2017

Xaçmaz RPŞ əməkdaşları tərəfindən Bakı şəhər sakini Cəmilə Musayeva və Xaçmaz şəhər sakini Etibar Cavadov oğurluq etməkdə şübhəli bilindiklərinə görə saxlanılaraq RPŞ-yə gətiriliblər. Ətraflarında aparılan əməliyyat tədbirləri ilə onların fevralın 6-na keçən gecə Xaçmaz şəhərindəki evlərdən birindən 2 ədəd xalça və digər əşyalar oğurlamaları müəyyən edilib.

Gəncə şəhər sakini Rövşən Məmmədovdan 1 kq 4,312 qr tiryək və 0,202 qr heroin götürülüb
24 fevral 2017

Kəpəz RPŞ-nin əməkdaşları tərəfindən Gəncə şəhər sakini Rövşən Məmmədovdan 1 kiloqram 4,312 qram tiryək və 0,202 qram heroin götürülüb.

Dələduzluq etməkdə şübhəli bilinən paytaxt sakini Şahzadə Ləzgiyev saxlanılıb
24 fevral 2017

Fevralın 4-də Bakı şəhər sakini Zadə Hüseynovun 400 manat və 200 ABŞ dollar pulunu dələduzluq yolu ilə almaqda şübhəli bilinən paytaxt sakini Şahzadə Ləzgiyev Binəqədi RPİ 6-cı PB-nin əməkdaşları tərəfindən saxlanılıb.

Lənkəran şəhər sakini Ramin Nuriyev və Girdəni kənd sakini Nazir Baxşızadədən narkotik vasitələr götürülüb
24 fevral 2017

Lənkəran ŞRPŞ əməkdaşlarının keçirdikləri əməliyyat tədbirləri ilə Girdəni kənd sakini Nazir Baxşızadədən 0,254 qram heroin götürülüb. Əməliyyat tədbirləri ilə narkotik vasitəni ona satan şəhər sakini Ramin Nuriyev də müəyyən edilərək tutulub. Ondan 0,251 qram, evinə baxış zamanı isə 32,716 qram heroin, elektron tərəzi, narkotik vasitənin qəbul edilməsi üçün ləvazimatlar və 7 ədəd patron aşkar edilərək götürülüb. 

Mobil telefon oğurlamaqda şübhəli bilinən Yevlax rayon sakini İsa Bəkirov tutulub
24 fevral 2017

Nərimanov RPİ 16-cı PB əməkdaşlarının keçirdikləri əməliyyat tədbirləri ilə yanvarın 16-da Bakı şəhər sakini Lalə Cəfərovanın mobil telefonunu oğurlamaqda şübhəli bilinən Yevlax rayon sakini İsa Bəkirov tutulub.

3 avtomobildən akkumulyator oğurlamaqda şübhəli bilinən Sumqayıt şəhər sakini Altun Xəlilov saxlanılıb
24 fevral 2017

Ötən il dekabrın 7-dən cari il fevralın 5-dək olan müddətdə şəhər ərazisində 3 avtomobildən akkumulyator oğurlamaqda şübhəli bilinən şəhər sakini Altun Xəlilov Sumqayıt ŞPİ 1-ci PB əməkdaşları tərəfindən saxlanılıb.

Oğurluqda şübhəli bilinən Masallı şəhər sakini Kamal Cavadzadə tutulub
24 fevral 2017

Cəlilabad RPŞ əməkdaşlarının keçirdikləri əməliyyat tədbirləri ilə yanvarın 24-də şəhər ərazisindəki evlərdən birindən 1300 manat dəyərində qızıl əşyalar oğurlamaqda şübhəli bilinən Masallı şəhər sakini Kamal Cavadzadə tutulub.

Gədəbəy rayonunun Turşsu kənd sakini Ayaz Cəfərov ehtiyatsızlıqdan tüfəngdən açılan atəşdən ayaq nahiyəsindən xəsarət alıb
24 fevral 2017

Fevralın 24-də Gədəbəy rayonunun Turşsu kəndində kənd sakini Ayaz Cəfərov ehtiyatsızlıqdan tüfəngdən açılan atəşdən ayaq nahiyəsindən xəsarət alıb və xəstəxanaya yerləşdirilib.
Gədəbəy RPŞ əməkdaşları tərəfindən müvafiq sənədləri olmayan tüfəng A.Cəfərovdan götürülüb.

Oğurluq etdiklərinə görə tutulan Xalid Tağıyevin və Səbuhi Əliyevin digər cinayət əməlləri də müəyyən edilib
24 fevral 2017

Oğurluq etdiklərinə görə tutulan Xalid Tağıyevin və Səbuhi Əliyevin ətrafında Ağcabədi RPŞ əməkdaşları tərəfindən aparılan tədbirlərlə onların yanvar ayı ərzində rayon ərazisindəki 3 subartezian quyusunu elektrik enerjisi ilə təmin edən naqilin ümumilikdə 84 metrlik hissəsini kəsərək oğurlamaları da müəyyən edilib.

Ağdaş rayonunun Pirəyir kəndində yol-nəqliyyat hadisəsi
24 fevral 2017

Fevralın 24-də Ağdaş rayonunun Pirəyir kəndində rayon sakinləri - Nicat Nuralıyevin və İlyas İlyaszadənin idarə etdikləri "VAZ" markalı avtomobillər toqquşub. Nəticədə N.Nuralıyevin sərnişinlərindən - atası Rəfayel hadisə yerində ölüb, özünə və digər sərnişininə, habelə İ.İlyaszadəyə xəstəxanada ilkin tibbi yardım göstərildikdən sonra buraxılıblar.
Ağdaş RPŞ tərəfindən araşdırma aparılır.