Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Quba rayonunun 1-ci Nügədi kənd sakini Elvin Musayevdən 435 qr marixuana götürülmüşdür
15 yanvar 2018

Quba RPŞ-nin əməkdaşları tərəfindən 1-ci Nügədi kənd sakini, əvvəllər məhkum olunmuş Elvin Musayevdən 435 qram marixuana götürülmüşdür.

Oğurluqda şübhəli bilinən Bakı şəhər sakinləri Şamxal Salmanov və Zamir Əliyev saxlanılmışlar
15 yanvar 2018

Xətai RPİ 34-cü PB-nin əməkdaşları tərəfindən yanvarın 9-da rayon ərazisindəki evlərin birindən 2000 manat və 15.000 manat dəyərində qızıl əşyalar oğurlamaqda şübhəli bilinən Bakı şəhər sakinləri Şamxal Salmanov və Zamir Əliyev saxlanılmışlar.

Nərimanov rayonunun Z.Bünyadov prospektində yol-nəqliyyat hadisəsi
15 yanvar 2018

Yanvarın 15-də saat 21 radələrində Nərimanov rayonunun Z.Bünyadov prospektində Şirvan şəhər sakini Mirceyhun Hüseynli idarə etdiyi “Hyundai” markalı avtomobillə yolu keçən Yevlax rayon sakini Ruhuyə Abdullayevanı vurmuş və nəticədə piyada hadisə yerində ölmüşdür.
Nərimanov RPİ tərəfindən araşdırma aparılır.

Suraxanı rayonunun Bülbülə qəsəbəsində yol-nəqliyyat hadisəsi
15 yanvar 2018

Yanvarın 15-də saat 18 radələrində Suraxanı rayonunun Bülbülə qəsəbəsində Bakı şəhər sakini Şahvələd Allahyarov idarə etdiyi “Hyundai” markalı avtomobillə yolu keçən paytaxt sakini Zamiq Babayevi vurmuş və nəticədə piyada hadisə yerində ölmüşdür.
Suraxanı RPİ tərəfindən araşdırma aparılır.

Gəncə şəhərinin ərazisində yol-nəqliyyat hadisəsi
15 yanvar 2018

Yanvarın 15-də saat 16 radələrində Gəncə şəhərinin ərazisində şəhər sakini Zabit Xəlilov idarə etdiyi “Toyota” markalı avtomobillə yolu keçən həmyerlisi Gülbəsti Cabbarovanı vurmuşdur. Nəticədə xəstəxanaya yerləşdirilmiş piyada orada ölmüşdür.
Nizami (Gəncə) RPİ tərəfindən araşdırma aparılır.

Bərdə rayonunun Güloğlular kəndində rayon sakini Xəyyam Novruzovun evində yanğın baş vermişdir
15 yanvar 2018

Yanvarın 15-də saat 8 radələrində Bərdə rayonunun Güloğlular kəndində rayon sakini Xəyyam Novruzovun evində yanğın baş vermişdir. Yanğın söndürüldükdən sonra X.Novruzovun nəvəsi, 5 yaşlı Rüqayənin yanmış meyiti tapılmış, xəstəxanaya yerləşdirilmiş gəlini Zümrüd Novruzova isə orada ölmüşdür.
Araşdırma aparılır.

Oğurluq etdiyinə görə tutulmuş Yusif Cəfərovun 6 həyətyanı sahədən su sayğacları oğurlaması da müəyyən edilmişdir
15 yanvar 2018

Oğurluq etdiyinə görə tutulmuş Yusif Cəfərovun ətrafında Suraxanı RPİ 31-ci PB-nin əməkdaşları tərəfindən aparılan əməliyyat tədbirləri ilə onun yanvarın 3-dən 5-dək olan müddətdə rayon ərazisindəki 6 həyətyanı sahədən su sayğacları oğurlaması da müəyyən edilmişdir.

Ağdam rayonunun Quzanlı qəsəbəsində yol-nəqliyyat hadisəsi
15 yanvar 2018

Yanvarın 15-də saat 2 radələrində Ağdam rayonunun Quzanlı qəsəbəsində Ayaq Qərvənd kənd sakini Fətiş Həmidov idarə etdiyi “Mercedes” markalı avtomobili yol ayırıcısına vurmuş və nəticədə sürücü hadisə yerində ölmüşdür.

Külli miqdarda narkotik götürülüb
14 yanvar 2018Daxili işlər orqanları əməkdaşlarının narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizə istiqamətində yanvarın 13-14-də keçirdikləri növbəti uğurlu əməliyyat tədbirləri nəticəsində belə hüquqazidd əməllə məşğul olan şəxslər ifşa edilib, ümumi çəkisi 32 kiloqramdan artıq müxtəlif növ narkotik vasitə, o cümlədən 4 kiloqram heroin, 5 kiloqrama yaxın tiryək və 23 kiloqrama yaxın marixuana götürülərək dövriyyədən çıxarılıb.   

Belə ki, Cəlilabad Rayon Polis Şöbəsi və DTX-nın rayon şöbəsi əməkdaşlarının daxil olan məlumat əsasında həyata keçirdikləri əməliyyat-axtarış tədbirləri ilə şəhər ərazisində Salyan rayon sakini Qismət Feyziyevin idarə etdiyi “VAZ-21074” markalı avtomobilə baxış keçirilib. Bu zaman yük yerində 4 kiloqram heroin, 1 kiloqram tiryək, 1970 ədəd metadon, 170 blok  “NZ”  və 214 blok “Manchester” markalı tütün məmulatları aşkar edilərək götürülüb.  Sürücü və avtomobildə olan sərnişinləri  - Yardımlı rayon sakinləri Hikmət Hüseynov, Mərhəmət Behbudov və onun qardaşı Hikmət saxlanılıblar.

Baş Narkotiklərlə Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində Nəsimi rayonu ərazisində Biləsuvar rayon sakini, əvvəllər məhkum olunmuş Vüsal Həsənov 39 ədəd “Mydrax” məhlulunu və 36 ədəd “Metadon”u 20 manata satarkən saxlanılıb.

Yasamal Rayon Polis İdarəsinin 29-cu Polis Bölməsi əməkdaşlarının keçirdikləri əməliyyat tədbirləri nəticəsində Bakı şəhər sakini Əhməd Məmmədovdan 22 kiloqram 850 qram marixuana, Astara Rayon Polis Şöbəsinin əməkdaşları şəhər sakini, əvvəllər məhkum olunmuş Ramin Quliyevdən 1 kiloqram 47 qram, yaşadığı evə baxış zamanı 2 kiloqram 104 qram tiryək, Masallı Rayon Polis Şöbəsinin əməkdaşları şəhər sakini, əvvəllər məhkum olunmuş İmran Fərəcovdan 25,414 qram, yaşadığı evə baxış zamanı 1 kiloqrama yaxın tiryək aşkar edilərək götürülüb.

Saxlanılan şəxslər maddi sübutlarla birgə istintaqa təhvil veriliblər.

Qeyd olunan faktlarla bağlı cinayət işləri başlanılıb, istintaq-əməliyyat tədbirləri aparılır.

Hadisə yerindən yayınan sürücülər saxlanıldılar
14 yanvar 2018Yanvarın 14-də Sabunçu rayonunun Zabrat qəsəbəsi  ərazisində müəyyən edilməyən avtomobillə yolu keçən Bakı şəhər sakini Qənbər Mirzəyev vurulub və nəticədə piyada aldığı xəsarətlərdən hadisə yerində dünyasını dəyişib.

Dərhal əməliyyat tədbirlərinə başlanılıb, DİN-in və Bakı ŞBPİ-nin Təhlükəsiz Şəhər xidmətlərinin əməkdaşları tərəfindən yol-nəqliyyat hadisəsinin “Hyundai” markalı avtomobillə törədilməsi müəyyən edilib.

Polis əməkdaşları tərəfindən həmin avtomobilin sürücüsü, paytaxt sakini Araz Məmmədov saxlanılaraq istintaqa təhvil verilib.

Yanvarın 8-də isə Sabunçu rayonunun Bilgəh qəsəbəsində Lerik rayon sakini Xəyal Ağayev yolu keçərkən müəyyən edilməyən avtomobillə vurulub və xəsarətlə xəstəxanaya yerləşdirilib.  

Polis əməkdaşları tərəfindən həyata keçirilən əməliyyat-axtarış tədbirləri nəticəsində yol-nəqliyyat hadisəsinin “Mercedes” markalı avtomobillə törədilməsi müəyyən edilib. Görülmüş tədbirlərlə hadisə yerindən yayınmaqda şübhəli bilinən həmin avtomobilin sürücüsü, Bakı şəhər sakini Mirağa Mirallamov saxlanılaraq istintaqa təhvil verilib.

Hər iki faktla bağlı Sabunçu Rayon Polis İdarəsində Cinayət Məcəlləsinin müvafiq maddələri ilə cinayət işləri başlanılıb, araşdırma aparılır.