Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Gün ərzində 102 cinayət faktı qeydə alınıb
20 iyul 2017

Respublikanın daxili işlər orqanları tərəfindən gün ərzində 102 cinayət faktı qeydə alınıb, onların da 21-i “isti izlər”lə açılıb. 

  • Cinayət Məcəlləsinin müxtəlif maddələri ilə axtarılan 25 nəfər tutularaq istintaq orqanlarına təhvil verilib. 
  • Respublikanın avtomobil yollarında 8 yol-nəqliyyat hadisəsi baş verib, nəticədə 3 nəfər ölüb, 9 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 13, qanunsuz saxlanılan silah-sursatla bağlı 1 fakt müəyyən edilib.  
  • Cinayət törətməkdə şübhəli bilinən 28 nəfər tutulub. 

Xəzər rayonunun Buzovna qəsəbəsi ərazisində yol-nəqliyyat hadisəsi
20 iyul 2017

İyulun 20-də saat 19 radələrində Xəzər rayonunun Buzovna qəsəbəsi ərazisində Sumqayıt şəhər sakini Bəhman Səfiyev idarə etdiyi “Mercedes” markalı avtomobillə yolu keçən Şəki rayon sakini Elman Musayevi vurub. Nəticədə piyada hadisə yerində ölüb.
Xəzər RPİ tərəfindən araşdırma aparılır. 

Gəncə şəhərinin 28 May küçəsində yol-nəqliyyat hadisəsi
20 iyul 2017

İyulun 20-də saat 21 radələrində Gəncə şəhərinin 28 May küçəsində şəhər sakini Ramin Hüseynov idarə etdiyi “Mercedes” markalı avtomobillə yolu keçən qucağında 4 aylıq oğlu olan Dilarə Bağırovanı vurub və idarəetməni itirdiyindən avtomobili yolun əks istiqamətində hərəkətdə olan şəhər sakini Eldəniz Ələkbərovun idarə etdiyi “Daevoo” markalı avtomobilə çırpıb. Nəticədə xəstəxanaya yerləşdirilən D.Bağırova və uşaq orada ölüblər.
Nizami (Gəncə) RPİ tərəfindən araşdırma aparılır. 

Mağazalardan birindən 490 manat pul oğurlamaqda şübhəli bilinən İmişli rayon sakinləri Qaraş Talıbov və bir yeniyetmə tutulub
20 iyul 2017

Baş Cinayət Axtarışı İdarəsi, Beyləqan RPŞ və İmişli RPŞ əməkdaşlarının keçirdikləri əməliyyat-axtarış tədbirləri nəticəsində iyulun 19-da Beyləqan rayonunun Bünyadlı kəndindəki mağazalardan birindən 490 manat pul oğurlamaqda şübhəli bilinən İmişli rayon sakinləri Qaraş Talıbov və bir yeniyetmə tutulublar.

Ətraflarında aparılan əməliyyat tədbirləri ilə onların həmyerliləri Yasəf Nərimanovla birgə yanvarın 15-də İmişli rayonunun Qaradonlu poçt şöbəsindən içərisində 570 manat pul, qızıl əşyalar və sənəd, habelə şöbəyə məxsus 63 manat pul olan seyfi oğurlamaları da müəyyən edilib.

Həyata keçirilən tədbirlərlə Y.Nərimanov da tutulub. 

5 evdən məişət əşyaları və təmir-tikinti alətləri oğurlamaqda şübhəli bilinən Yevlax rayon sakini Ramiz Abbasov tutulub
20 iyul 2017

Bakı Şəhər Baş Polis İdarəsinin Cinayət Axtarışı İdarəsi, Xəzər RPİ 1-ci PB və Binəqədi RPİ əməkdaşlarının keçirdikləri əməliyyat-axtarış tədbirləri nəticəsində ötən ilin dekabr ayından cari ilin iyun ayına qədər olan müddətdə paytaxt ərazisində 5 evdən məişət əşyaları və təmir-tikinti alətləri oğurlamaqda şübhəli bilinən Yevlax rayon sakini Ramiz Abbasov tutulub.

Oğurluqda şübhəli bilinən Bankə qəsəbə sakini Rəhim Süleymanov tutulub
20 iyul 2017

Neftçala RPŞ əməkdaşlarının keçirdikləri əməliyyat-axtarış tədbirləri nəticəsində iyulun 19-da rayon ərazisindəki evlərdən birindən 550 manat pul oğurlamaqda şübhəli bilinən Bankə qəsəbə sakini Rəhim Süleymanov tutulub.

Masazır qəsəbə sakini Ramil Mirzəyevdən xuliqanlıq zəmnində atəş açdığı tüfəng götürülüb
20 iyul 2017

İyulun 20-də saat 1:00 radələrində üzərində dövlət qeydiyyat nişanları olmayan "Lexus" markalı avtomobildə Abşeron rayonu ərazisindəki otellərdən birinin qarşısına gələn naməlum sürücü ilə oranın mülki gözətçisi arasında münaqişə baş verib. Sürücü avtomobildə hadisə yerini tərk etdikdən 15-20 dəqiqə sonra geriyə qayıdıb odlu silahdan havaya atəş açıb, avtomobilini arxaya verərkən orada dayanan "Toyota" markalı avtomobili vurub və oranı tərk edib.

Abşeron RPİ əməkdaşlarının keçirdikləri əməliyyat-axtarış tədbirləri nəticəsində avtomobilin dövlət qeydiyyat nişanları müəyyən edilib və hadisəni törətməkdə şübhəli bilinən Masazır qəsəbə sakini Ramil Mirzəyev tutulub. Ondan "Stoger" markalı ov tüfəngi götürülüb.        

Abşeron RPİ tərəfindən araşdırma aparılır.

Gün ərzində 107 cinayət faktı qeydə alınıb
19 iyul 2017

Respublikanın daxili işlər orqanları tərəfindən gün ərzində 107 cinayət faktı qeydə alınıb, onların da 15-i “isti izlər”lə açılıb. 

  • Cinayət Məcəlləsinin müxtəlif maddələri ilə axtarılan 14 nəfər tutularaq istintaq orqanlarına təhvil verilib. 
  • Respublikanın avtomobil yollarında 4 yol-nəqliyyat hadisəsi baş verib, nəticədə 1 nəfər ölüb, 11 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 5 fakt müəyyən edilib.  
  • Cinayət törətməkdə şübhəli bilinən 15 nəfər tutulub. 

Qəbələ rayonunun Tikanlı kənd sakini Ataman Hacıyevdən ümumilkdə 2,553 kq marixuana, həyətyanı sahəsindən isə 76 ədəd çətənə kolu aşkar edilərək məhv edilib
19 iyul 2017

Qəbələ RPŞ əməkdaşlarının keçirdikləri əməliyyat tədbirləri nəticəsində Tikanlı kənd sakini Ataman Hacıyevdən 1,2 qram marixuana götürülüb. Onun evinə baxış zamanı isə əlavə olaraq 2 kiloqram 552 qram marixuana, həyətyanı sahəsindən isə 76 ədəd çətənə kolu aşkar edilərək məhv edilib. 

Soyğunçuluqda şübhəli bilinən Lənkəran şəhər sakini Seymur Məhərrəmov tutulub
19 iyul 2017

İyulun 18-də Lənkəran şəhəri ərazisindəki bazarlardan birində naməlum şəxs Lerik rayon sakini Adilə Əsgərovanın 10 manat pulunu açıq talama yolu ilə alıb.
Lənkəran ŞRPŞ əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən şəhər sakini Seymur Məhərrəmov tutulub.