Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Oğurluq etdiyinə görə tutulmuş Zaur Abbasovun törətdiyi digər cinayət əməlləri də müəyyən edilib
17 yanvar 2018

Oğurluq etdiyinə görə tutulmuş Zaur Abbasovun ətrafında Binəqədi RPİ 40-cı PB-nin əməkdaşları tərəfindən aparılmış əməliyyat tədbirləri ilə onun ötən ilin mart və noyabr aylarında rayon ərazisindəki 2 həyətyanı sahədən kombi aparatı, 60 metr elektrik naqili, samovar və xalça oğurlaması da müəyyən edilmişdir.

Quldurluq etdiyinə görə tutulmuş Mənsum Fətullayevin içərisində 400 manat və sənəd olan pulqabı oğurlaması da müəyyən edilmişdir
17 yanvar 2018

Quldurluq etdiyinə görə tutulmuş Mənsum Fətullayevin ətrafında Xətai RPİ-nin əməkdaşları tərəfindən aparılmış əməliyyat tədbirləri ilə onun yanvarın 6-da paytaxt sakini olan 1 qadının içərisində 400 manat və sənəd olan pulqabısını oğurlaması da müəyyən edilmişdir. 

Oğurluq etdiyinə görə tutulmuş Pərviz Səfərovun 7 evdən su mühərriklərini oğurlaması da müəyyən edilmişdir
17 yanvar 2018

Oğurluq etdiyinə görə tutulmuş Pərviz Səfərovun ətrafında Nəsimi RPİ 22-ci PB-nin əməkdaşları tərəfindən aparılmış əməliyyat tədbirləri ilə onun ötən il dekabrın 13-dən cari il yanvarın 8-dək olan müddətdə rayon ərazisindəki 7 evdən su mühərriklərini oğurlaması da müəyyən edilmişdir.

Sabunçu qəsəbəsinin ərazisində yol-nəqliyyat hadisəsi
17 yanvar 2018

Yanvarın 17-də saat 7 radələrində Sabunçu qəsəbəsinin ərazisində Bakı şəhər sakini Hikmət Hüseynov idarə etdiyi “Kia” markalı avtomobillə yolu keçən paytaxt sakini Vəfa Nağıyevanı vurmuş və nəticədə piyada hadisə yerində ölmüşdür.
Sabunçu RPİ tərəfindən araşdırma aparılır.

Gün ərzində 126 cinayət faktı qeydə alınıb
16 yanvar 2018Respublikanın daxili işlər orqanları tərəfindən gün ərzində 126 cinayət faktı qeydə alınıb, onların da 24-ü “isti izlər”lə açılıb.

  • Axtarışda olduğuna görə 23 nəfər saxlanılaraq aidiyyatı üzrə təhvil verilib.
  • Respublikanın avtomobil yollarında 2 yol-nəqliyyat hadisəsi baş verib, nəticədə 1 nəfər ölüb, 3 nəfər xəsarət alıb.
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 14 fakt müəyyən edilib.
  • Cinayət törətməkdə şübhəli bilinən 38 nəfər saxlanılıb.
Profilaktiki tədbirlər nəticə verir
16 yanvar 2018

Polis əməkdaşları tərəfindən əhali arasında mütəmadi aparılan qabaqlayıcı-profilaktiki, hüquqi maarifləndirmə tədbirləri və izahedici söhbətlər öz nəticəsini verir.

Ötən gün də vətəndaşlar tərəfindən xeyli sayda silah könüllü olaraq polis orqanlarına təhvil verilib.

Belə ki, yanvarın 16-da Naxçıvan DİN-ə, Sabunçu RPİ-nin 42-ci Polis Bölməsinə, Culfa, Zərdab və Ağdaş rayon polis şöbələrinə vətəndaşlar tərəfindən ümumilikdə 6 silah – 1 ədəd “AKMS” markalı avtomat silahı, 2 ədəd “İJ”, 3 ədəd “TOZ” markalı tüfənglər, 2 ədəd süngü bıçaq və 13 ədəd patron sandığı təhvil verilib.

Gədəbəy rayonu ərazisindəki evlərin birindən oğurluq törətməkdə şübhəli bilinən Bakı şəhər sakini A.Musayev saxlanılmışdır
16 yanvar 2018Gədəbəy RPŞ əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evlərin birindən 7000 manat pul və qızıl əşyalar oğurlamaqda şübhəli bilinən Bakı şəhər sakini Allahverdi Musayev saxlanılmışdır.
Xaçmaz rayonu ərazisində iki avtomobildən oğurluq törətməkdə şübhəli bilinən Xudat şəhər sakini A.İsayev saxlanılmışdır
16 yanvar 2018Xaçmaz RPŞ əməkdaşlarının keçirdikləri əməliyyat-axtarış tədbirləri nəticəsində  yanvarın 11-12-də rayon ərazisində iki avtomobildən maqnitofon, monitor və yaddaş kartı oğurlamaqda şübhəli bilinən Xudat şəhər sakini Ağamurad İsayev saxlanılmışdır.
Xaçmaz rayonu ərazisindəki evlərin birindən oğurluq törətməkdə şübhəli bilinən Müqtədir qəsəbə sakini M.Yusifov saxlanılıb
16 yanvar 2018Xaçmaz RPŞ əməkdaşlarının keçirdikləri əməliyyat-axtarış tədbirləri nəticəsində yanvarın 9-da rayon ərazisindəki evlərin birindən 3 ədəd rəsm əsəri, 2 ədəd çıl-çıraq, 1 ədəd DVD, 1 ədəd laqonda və yataq dəsti oğurlamaqda şübhəli bilinən Müqtədir qəsəbə sakini Məhəmməd Yusifov saxlanılıb.
Maştağa qəsəbəsindəki evlərin birindən oğurluq törətməkdə şübhəli bilinən Bakı şəhər sakini A.Zirəddinzadə saxlanılmışdır
16 yanvar 2018Sabunçu RPİ 14-cü PB əməkdaşlarının keçirdikləri əməliyyat-axtarış tədbirləri nəticəsində ötən il dekabrın 27-dən cari il yanvarın 15-dək olan müddətdə Maştağa qəsəbəsindəki evlərin birindən 120 manat, təmir-tikinti alətləri, geyim və məişət əşyaları oğurlamaqda şübhəli bilinən Bakı şəhər sakini Azad Zirəddinzadə saxlanılmışdır.