Azərbaycan Respublikası Daxili İşlər Nazirliyi yanında İctimai Şura “İctimai iştirakçılıq haqqında” Azərbaycan Respublikasının 2013-cü il 22 noyabr tarixli 816-IVQ nömrəli Qanununa və Azərbaycan Respublikasının Nazirlər Kabinetinin 2014-cü il 30 may tarixli 171 nömrəli qərarı ilə təsdiq edilmiş "İctimai şuranın vətəndaş cəmiyyəti institutları tərəfindən seçilməsinə dair Əsasnamə"yə uyğun olaraq Nazirliyin fəaliyyət istiqamətləri ilə bağlı ictimai nəzarətin təşkilində vətəndaş cəmiyyəti institutlarının iştirakının təmin edilməsi, ictimai iştirakçılığın genişləndirilməsi və daxili işlər orqanları ilə ictimaiyyət arasında səmərəli qarşılıqlı fəaliyyətin daha da inkişaf etdirilməsi məqsədilə yaradılmışdır. DİN yanında İctimai Şuranın daxili işlər orqanlarının fəaliyyət istiqamətlərinin genişliyi və iş həcmi nəzərə alınmaqla 15 üzvdən ibarət tərkibdə olması müəyyən edilmişdir. Qeyri-hökumət təşkilatlarının iştirakı ilə tam şəffaf şəraitdə keçirilən seçkilərdə İctimai Şuraya üzvlər seçilmişdirlər.
Hal-hazırda DİN yanında İctimai Şura qərarların qəbulu zamanı ictimai rəyin öyrənilməsi, ictimaiyyətlə məsləhətləşmələrin təşkili və s. sahədə fəaliyyət göstərir.
İctimai Şuranın 2022-ci il ərzində fəaliyyəti barədə hesabat
Qeyd: İctimai Şura 2 illik müddətə seçilir. 2021-ci ildə seçkilər 3 iyun, təkrar seçkilər isə 7 iyun tarixində keçirilmişdir. İctimai Şuraya növbəti seçkilər 2023-cü ildə keçiriləcəkdir. Bu haqda elan saytımızda yerləşdiriləcək.
Azərbaycan Respublikasının Daxili İşlər Nazirliyi yanında İctimai Şuranın üzvlüyünə namizədlərin irəli sürülməsinə və qeydiyyatına dair elan
Daxili İşlər Nazirliyi yanında İctimai Şuranın üzvlüyünə namizəd irəli sürmək istəyən vətəndaş cəmiyyəti institutlarının 05.04.2023-cü il tarixdən 05.05.2023-cü il tarixədək (iş günləri saat 10:00-dan 18:00-dək) Nazirlikdə yaradılmış Seçki komissiyasına müraciət etməsi xahiş olunur.
Müraciətə namizədlə əlaqə vasitələri (telefon, e-mail) göstərilməklə aşağıdakı sənədlər əlavə edilməlidir:
Əlaqə telefonları: (+99412) 590-92-28, 590-91-03
Geriyə qayıt