Hüquq mühafizə orqanları tərəfindən vətəndaşlardan narkotik maddələr götürülmüşdür

29.09.2005

Yasamal RPİ əməkdaşlarının keçirdikləri əməliyyat-tədbirləri zamanı Bakı şəhər sakini Oqtay Cabbarovdan 0,212 qr, Elşən Rzayevdən isə 0,196 qr heroin götürülmüşdür. Yevlax RPŞ əməkdaşlarının keçirdikləri əməliyyat-tədbirləri zamanı rayon sakini, əvvəllər məhkum olunmuş, Nafiz Məmmədovdan 0,224 qr heroin götürülmüşdür. Qazax RPŞ əməkdaşlarının keçirdikləri əməliyyat-tədbirləri zamanı Ağstafa rayon sakini Ələddin Nəcəfov, Elmir Axundovdan aldığı 0,238 qr heroini könüllü olaraq polisə təhvil vermişdir. E.Axundov tutulmuş, ondan 3,7 qr heroin götürülmüşdür.