DIO əməkdaşları tərəfindən vətəndaşlardan narkotik vasitələr götürülmüşdür

19.03.2008

Həyata keçirilmiş əməliyyat tədbirləri nəticəsində Səbail RPİ əməkdaşları Bakı şəhər sakinləri Valeh Həsənovdan 1,045 qram, əvvəllər məhkum olunmuş Elsevər Nəsirovdan 1,029 qram və əvvəllər məhkum olunmuş Etiram Vəliyevdən 103,3 qram heroin və 151,63 qram tiryək, Yasamal RPİ əməkdaşları Bakı şəhər sakini, əvvəllər məhkum olunmuş Vüqar İbrahimovdan 103,334 qram heroin və 1 ədəd bıçaq, Əli Bayramlı ŞPŞ əməkdaşları Mehman Əsgərovdan 0,28 qram heroin, Ağcabədi RPŞ əməkdaşları rayon sakini, əvvəllər məhkum olunmuş Vidadi Cəfərovdan 5,38 qram, evinə baxış zamanı isə 9,16 qram marixuana, DİN Nəqliyyatda Baş Polis İdarəsi əməkdaşları RF vətəndaşı İdris Mirsahibovdan 10,25 qram marixuana, narkotik vasitəni ona satmış Bakı şəhər sakini Sabir Xaliq oğlundan 1215,16 qram marixuana götürmüşlər. Nərimanov RPİ əməkdaşlarının keçirdikləri əməliyyat tədbirləri nəticəsində Bakı şəhər sakini Hüseyn Bəhmanovdan 0,288 qram heroin götürülmüş, narkotik vasitəni ona satmış Lənkəran rayon sakini Emin Quliyev tutulmuşdur.