DIO əməkdaşları tərəfindən vətəndaşlardan narkotik vasitələr götürülmüşdür

26.02.2008

Həyata keçirilmiş əməliyyat tədbirləri nəticəsində DİN Nəqliyyatda Baş Polis İdarəsi əməkdaşları Sumqayıt şəhər sakini Vahid Məmmədzadədən 55 qram marixuana, 2 qram tiryək və 1 ədəd bıçaq, Sabunçu RPİ 14-cü PB əməkdaşları Bakı şəhər sakini Akif Vəliyevdən 0,35 qram heroin, Yasamal RPİ əməkdaşları Bakı şəhər sakini, əvvəllər məhkum olunmuş Samir Hüseynovdan 0,238 qram heroin, Suraxanı RPİ 33-cü PB əməkdaşları Yeni Günəşli qəsəbə sakini Rahim Şəfəqqətovdan 0,217 qram heroin götürmüşlər, DİN Baş Narkotiklərlə Mübarizə İdarəsi və Ağcabədi RPŞ əməkdaşlarının birgə keçirdikləri əməliyyat tədbirləri nəticəsində Ağcabədi rayon sakini, əvvəllər məhkum olunmuş Tahir Mehrəliyevdən 10,3 qram marixuana götürülmüşdür. T.Mehrəliyevin evinə baxış zamanı əlavə 8,4 qram marixuana aşkar edilərək götürülmüşdür, Biləsuvar RPŞ əməkdaşlarının keçirdikləri əməliyyat tədbirləri nəticəsində F.Həbibova narkotik vasitə satmış Zəhmətabad kənd sakini Rahim Süleymanov tutulmuş və ondan 0,237 qram heroin götürülmüşdür.