DIO əməkdaşları tərəfindən vətəndaşlardan narkotik vasitələr və çətənə kolları aşkar edilərək götürülmüşdür

07.06.2007

DİN Baş Narkotiklərlə Mübarizə İdarəsi və Sabirabad RPŞ əməkdaşlarının birgə keçirdikləri tədbirlər nəticəsində Sabirabad rayonunun ərazisində 1,2 hektar sahədən yabanı halda bitmiş, çəkisi 2,12 ton olan 7066 ədəd, DİN Baş Narkotiklərlə Mübarizə İdarəsi və Şamaxı RPŞ əməkdaşlarının birgə keçirdikləri tədbirlər nəticəsində Göylər kəndinin ərazisində 98 sot sahədə yabanı halda bitmiş, çəkisi 620 kiloqram olan 1834 ədəd, DİN Nəqliyyatda Baş Polis İdarəsi əməkdaşlarının keçirdikləri tədbirlər nəticəsində isə Zaqatala Hava Limanının ərazisində 70 hektar sahədən yabanı halda bitmiş, çəkisi 1,352 ton olan 5317 ədəd çətənə kolları yığılaraq məhv edilmişdir. Həyata keçirilmiş əməliyyat tədbirləri nəticəsində DİN Baş Narkotiklərlə Mübarizə İdarəsi əməkdaşları Bakı şəhər sakinləri, əvvəllər məhkum olunmuş Zaur Əhmədovdan 0,410 qram, Cəfər Abdullayevdən 0,212 qram heroin, DİN BNMİ əməkdaşları Dəvəçi RPŞ əməkdaşları ilə birgə Dəvəçi rayon sakini, əvvəllər məhkum olunmuş Səxavət Kərimovdan 2,3 qram tiryək, Nizami RPİ əməkdaşları Bakı şəhər sakini, əvvəllər məhkum olunmuş Etibar Babayevdən 46,69 qram tiryək, Sumqayıt ŞPİ əməkdaşları şəhər sakini Rövşən Ələkbərovdan 0,212 qram heroin götürmüşlər.