DIO əməkdaşları tərəfindən vətəndaşlardan narkotik vasitələr götürülmüşdür

06.03.2006

Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının keçirdikləri əməliyyat tədbirləri nəticəsində, Lənkəran şəhər sakinləri Siyavuş Babayev və Mirzə Mirişov 0,163 qram heroini satarkən, Baş Narkotiklərlə Mübarizə İdarəsi və Abşeron RPŞ əməkdaşlarının keçirdikləri birgə əməliyyat tədbirləri nəticəsində isə Bakı şəhər sakini, əvvəllər məhkum olunmuş Firuddin Əliyev 0,875 qram heroini satarkən tutulmuşlar. Bakı şəhər BPİ Narkotiklərlə Mübarizə İdarəsi və Əzizbəyov RPİ əməkdaşlarının keçirdikləri birgə əməliyyat tədbirləri nəticəsində, Zirə qəsəbə sakini, əvvəllər məhkum olunmuş Sahib Heydərovun evindən 152,47 qram marixuana, Nəsimi RPİ 19-cu PB əməkdaşlarının keçirdikləri əməliyyat tədbirləri nəticəsində, Bakı şəhər sakini Aydın Məmmədovdan 5 kiloqram 197,93 qram marixuana, Yasamal RPİ 27-ci PB əməkdaşlarının keçirdikləri əməliyyat tədbiri nəticəsində, Bakı şəhər sakini, əvvəllər məhkum olunmuş Yasəf Hüseynovdan 0,224 qram heroin, Suraxanı RPİ əməkdaşlarının keçirdikləri əməliyyat tədbiri nəticəsində isə Bakıxanov qəsəbə sakini Tahir Əsgərovdan 0,198 qram heroin götürülmüşdür.