DIO əməkdaşları tərəfindən vətəndaşlardan narkotik vasitələr götürülmüşdür

05.03.2006

Əzizbəyov RPİ əməkdaşlarının keçirdikləri əməliyyat tədbiri nəticəsində, Şağan qəsəbə sakini Rövşən Məhərrəmov 0,046 qram heroini 80 min manata satarkən, Yevlax RPŞ əməkdaşlarının keçirdikləri əməliyyat tədbiri nəticəsində isə rayon sakini, əvvəllər məhkum olunmuş Rəşid Ələkbərov 0,206 qram heroini 50 min manata satərkən tutulmuşdur. Nizami RPİ əməkdaşlarının keçirdikləri əməliyyat tədbiri nəticəsində, Sumqayıt şəhər sakini, əvvəllər məhkum olunmuş Ağafərəc Qurbanovdan 0,211 qram heroin, Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində, Bakı şəhər sakini, əvvəllər məhkum olunmuş Adil Əliyevdən 4,12 qram həşiş götürülmüşdür.