Azərbaycan Respublikası Daxili İşlər Nazirliyi

Press-relizlər

tarixindən tarixinə
Gün ərzində 107 cinayət faktı qeydə alınmışdır
16 iyul 2018

Respublikanın daxili işlər orqanları tərəfindən gün ərzində 107 cinayət faktı qeydə alınmış, onların da 16-sı “isti izlər”lə açılmışdır. 

  • Axtarışda olduğuna görə ümumilikdə 28 nəfər, o cümlədən mülki-hüquqi öhdəliklərin icrasından yayındığına görə 2 nəfər, borclu şəxs qismində axtarışda olan 20 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 2 yol-nəqliyyat hadisəsi baş vermiş, nəticədə 1 nəfər ölmüş, 4 nəfər xəsarət almışdır.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6, qanunsuz saxlanılan silah-sursatla bağlı 4 fakt müəyyən edilmişdir. 
  • Cinayət törətməkdə şübhəli bilinən 17 nəfər saxlanılmışdır.
Oğurluqda şübhəli bilinən Bakı şəhər sakini Namiq Əliyev saxlanılmışdır
16 iyul 2018

Səbail RPİ 9-cu PB əməkdaşlarının keçirdikləri əməliyyat-axtarış tədbirləri nəticəsində iyulun 4-də Ziyadxan Əliyevin içərisində 800 manat, qızıl saat, gümüş dəsti və bank kartları olan çantasını oğurlamaqda şübhəli bilinən Bakı şəhər sakini Namiq Əliyev saxlanılmışdır.

Nardaran qəsəbə sakini Cahangir Hüseynovun idarə etdiyi avtomobildən 1 ədəd xəncər götürülmüşdür
16 iyul 2018

Sabunçu RPİ 42-ci PB əməkdaşlarının keçirdikləri əməliyyat-axtarış tədbirləri nəticəsində Nardaran qəsəbə sakini Cahangir Hüseynovun idarə etdiyi “VAZ-2107” markalı avtomobildən 1 ədəd xəncər götürülmüşdür.
Faktla əlaqədar cinayət işi başlanmışdır.

Oğurluqda şübhəli bilinən Sumqayıt şəhər sakini Samir Əhmədov saxlanılmışdır
16 iyul 2018

Qusar RPŞ əməkdaşlarının keçirdikləri əməliyyat-axtarış tədbirləri nəticəsində iyulun 9-da rayon ərazisindəki evlərin birindən 570 manat oğurlamaqda şübhəli bilinən Sumqayıt şəhər sakini Samir Əhmədov saxlanılmışdır.

Şamaxı rayonunun Quşçu kənd sakini Vaqif Quliyevdən və onun oğlu Fəriddən isə müvafiq sənədləri olmayan ov tüfəngləri götürülmüşdür
16 iyul 2018

Şamaxı RPŞ əməkdaşlarının keçirdikləri əməliyyat-axtarış tədbirləri nəticəsində Quşçu kənd sakini Vaqif Quliyevdən müvafiq sənədləri olmayan “BUM” markalı, onun oğlu Fəriddən isə müvafiq sənədləri olmayan nömrəsi silinmiş “TOZ” markalı ov tüfəngləri götürülmüşdür.

Kultivasiya yolu ilə yetişdirilmiş 9 ədəd çətənə kolu aşkar edilərək götürülmüşdür
16 iyul 2018

Kürdəmir RPŞ əməkdaşlarının keçirdikləri əməliyyat tədbirləri ilə Karrar kənd sakini Rauf İbrahimovun həyətyanı sahəsindən kultivasiya yolu ilə yetişdirilmiş 9 ədəd çətənə  kolu aşkar edilərək götürülmüşdür.

İmişli rayonunun Xəlfəli kəndi ərazisində yol-nəqliyyat hadisəsi
16 iyul 2018

İyulun 16-da saat 21 radələrində İmişli rayonunun Xəlfəli kəndi ərazisində Əfqan Hacıyev idarə etdiyi “Priora” markalı avtomobillə yola çıxmış camışı vurmuşdur. Nəticədə Ə.Hacıyevin sərnişini - bacısı Beyləqan rayon sakini Sevil Hacıyeva hadisə yerində ölmüşdür.
Baş İstintaq və Təhqiqat İdarəsi tərəfindən araşdırma aparılır.

Gün ərzində 91 cinayət faktı qeydə alınmışdır
15 iyul 2018Respublikanın daxili işlər orqanları tərəfindən gün ərzində 91 cinayət faktı qeydə alınmış, onların da 14-ü “isti izlər”lə açılmışdır.
  • Əvvəlki dövrlərdən bağlı qalmış 1 cinayətin açılması təmin olunmuşdur.   
  • Axtarışda olduğuna görə ümumilikdə 10 nəfər, o cümlədən borclu şəxs qismində axtarışda olan 4 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 3 yol-nəqliyyat hadisəsi baş vermiş, nəticədə 1 nəfər ölmüş, 7 nəfər xəsarət almışdır. 
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6 fakt müəyyən edilmişdir. 
  • Cinayət törətməkdə şübhəli bilinən 22 nəfər saxlanılmışdır.
Soyğunçuluq etməkdə şübhəli bilinən şəxslər saxlanılıb
15 iyul 2018

Ağdaş Rayon Polis Şöbəsinə müraciət edən İsmayıllı rayon sakini F.Mikayılov iyulun 3-də  şəhər ərazisində içərisində pulu, qızıl əşyaları, mobil telefon, sürücülük vəsiqəsi və eynəyi olan çantasının açıq talama yolu ilə əlindən alındığını bildirib.

Dərhal başlanan əməliyyat-axtarış tədbirləri nəticəsində soyğunçuluğu törətməkdə şübhəli bilinən 2 nəfər qısa müddətdə müəyyən edilərək polis əməkdaşları tərəfindən saxlanılıb. Araşdırmalarla onların İsmayıllı rayon sakini Turan Ağazadə və Ağcabədi rayon sakini Namiq İsmayılov olduqları müəyyən edilib.

Soyğunçuluq yolu ilə əldə etdikləri “qənimət” və sənədlər maddi sübut kimi onlardan götürülüb.

Faktla bağlı cinayət işi başlanılıb.  

Narkotiklərlə mübarizə qətiyyətlə davam etdirilir
15 iyul 2018

Daxili işlər orqanları tərəfindən narkotik vasitələrin qanunsuz dövriyyəsi  və kultivasiya yolu ilə yetişdirilən narkotik tərkibli bitkilərin aşkar edilməsi istiqamətində tədbirlər qətiyyətlə davam etdirilir.

Abşeron Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Ağcabədi rayon sakini, əvvəllər məhkum olunmuş Elşən Ağayevin Xırdalan şəhərində kirayədə yaşadığı mənzildən  13 qrama yaxın heroin, 2 kiloqram 700 qrama yaxın marixuana, həmçinin güclü təsiredici xüsusiyyətə malik 51 qram metamfetamin və 30 ədəd metadon həbi aşkar edilərək götürülüb.

Həyata keçirilmiş əməliyyat-axtarış tədbirləri nəticəsində Sabirabad Rayon Polis Şöbəsinin əməkdaşları Yaxa-Dəllək kənd sakini, əvvəllər məhkum olunmuş Mahmud Nağıyevin həyətyanı sahəsindən kultivasiya yolu ilə yetişdirilmiş 11 ədəd çətənə kolu və 250 qram marixuana, Saatlı  Rayon Polis Şöbəsinin əməkdaşları isə Mustafabəyli kənd sakini Elçin Süleymanovun həyətyanı sahəsindən kultivasiya yolu ilə yetişdirilmiş 6 ədəd çətənə kolu aşkar edərək götürüblər.

Faktlarla bağlı cinayət işləri başlanılıb.

Bu istiqamətdə tədbirlər davam etdirilir.

[1] [2] [3] [4] [5] [6] [7] [8] [9] [10] [11] [>>]




Çap et  Çap et