Sabirabad rayon sakini Ələddin Abbasov Daxili İşlər Nazirliyinə bir neçə həmyerlisi adından ünvanladığı təşəkkür məktubunda xidməti vəzifələrini və peşə fəaliyyətini layiqincə yerinə yetirdiklərinə, eləcə də rayon ərazisində ictimai təhlükəsizliyin təmin olunmasında apardıqları xidmətlərə görə başda DİN rəhbərliyi olmaqla, Sabirabad RPŞ-nin rəhbərliyinə və əməkdaşlarına minnətdarlığını bildirir.

Bakı şəhər sakini Bayram Xudayarov Daxili İşlər Nazirliyinin “Facebook” səhifəsinə təşəkkür mesajı yazaraq Hacıqabul rayonunda keçirilən vətəndaş qəbulunda DİN rəhbərliyi tərəfindən qəbul olunmasına görə minnətdarlığını bildirir.

Sabirabad rayon sakini Mərziyyə Məmmədova DİN-ə ünvanladığı təşəkkür məktubunda üzləşdiyi problem ilə bağlı etdiyi müraciətinə operativ reaksiya verilməsinə və ona dəymiş maddi ziyanın ödənilməsində göstərilən köməkliyə görə DİN rəhbərliyinə minnətdarlığını bildirir.

Qazi Həmid Süleymanov üzləşdiyi oğurluqla bağlı müraciətinə operativ reaksiya verilərək həssas yanaşılmasına və müsbət həll olunmasına görə Nəsimi Rayon Polis İdarəsinin əməkdaşlarına təşəkkürünü bildirir.

Göygöl rayon sakini Lətif Orucov rayon ərazisində ictimai asayişin və ictimai təhlükəsizliyin etibarlı təmin olunması üçün gecə-gündüz yorulmadan ayıq-sayıq xidmət aparan Göygöl  Rayon Polis Şöbəsinin əməkdaşlarına minnətdarlığını bildirir, onlara çətin və şərəfli xidmətlərində uğurlar arzulayır. 

Sumqayıt şəhər sakini Şəlalə Əbilova üzləşdiyi problemlə bağlı müraciətinə çevik reaksiya verilərək müsbət həll olunmasında göstərilən köməkliyə görə Sumqayıt Şəhər Polis İdarəsinin əməkdaşlarına təşəkkürünü bildirir.

Vətəndaş Saleh Salamov üzləşdiyi problemlə bağlı müraciətinə çevik reaksiya verilərək müsbət həll olunmasında göstərilən köməkliyə görə Abşeron Rayon Polis İdarəsinin əməkdaşlarına təşəkkürünü bildirir.

Sosial şəbəkə istifadəçisi Azad Aslanov DİN-in “Facebook” səhifəsinə təşəkkür mesajı göndərib. O, üzləşdiyi problemlə bağlı müraciətinə operativ baxılaraq müsbət həll olunmasında göstərilən köməkliyə görə DİN rəhbərliyinə təşəkkürünü bildirir.

Vətəndaş Talıb Adilov DİN-in “Instagram” səhifəsinə təşəkkür mesajı göndərib. O, polis orqanlarında işləmək arzusunda olan gənclərin xidmətə qəbulu zamanı bütün proseslərin şəffaflıq və aşkarlıq prinsipləri əsasında reallaşdığına şahid olduğunu qeyd edir və oğlunun daxili işlər orqanlarında xidmətə qəbul olunmasına görə DİN rəhbərliyinə minnətdarlığını bildirir.