Axtarış

Virtual Karabakh Justice for khojaly

Krimnal xronika

tarixindən tarixinə
Masazır qəsəbəsi ərazisində karantin rejiminə əməl etməyərək fəaliyyət göstərən "Şəki" kafesini aşkarlanıb
20 yanvar 2021

Abşeron rayonunda karantin qaydalarını pozaraq müştərilərə yerində xidmət göstərən kafe aşkar edilib.

Abşeron Rayon Polis İdarəsinin əməkdaşları  inzibati ərazidə xidmət aparan zaman Masazır qəsəbəsi ərazisində karantin rejiminə əməl etməyərək fəaliyyət göstərən "Şəki" kafesini aşkarlayıblar.

Obyektin fəaliyyəti dərhal polislər tərəfindən dayandırılıb. Ora baxış zamanı kafenin sahibi R.Nəbiyev və daha 9 müştəri saxlanılaraq Polis İdarəsinə gətirilib. Müştərilər barəsində inzibati qaydada tədbirlər görülərək hər biri 200 manat məbləğində cərimə ediliblər. Həmin şəxslərlə profilaktik söhbətlər aparılıb və bir daha onların diqqətinə karantin qaydalarına əməl etməyin vacibliyi çatdırılıb. Kafenin sahibinin qanunsuz hərəkətlərinə hüquqi qiymət verilməsi üçün barəsində toplanan materiallar isə məhkəməyə göndərilib.

Nizami rayonunun B.Çobanzadə yol-nəqliyyat hadisəsi
19 yanvar 2021

Yanvarın 19-da saat 21 radələrində paytaxtın Nizami rayonunun B.Çobanzadə küçəsində Bakı şəhər sakini A.Abduyev idarə etdiyi “Fiat” markalı avtomobillə yolu keçən paytaxt sakini Ə.Zeynallını vurmuş və piyada aldığı xəsarətlərdən hadisə yerində ölmüşdür.
Nizami RPİ tərəfindən araşdırma aparılır.

Ağcabədi şəhəri ərazisində yol-nəqliyyat hadisəsi
19 yanvar 2021

Yanvarın 19-da saat 18 radələrində Ağcabədi şəhəri ərazisində Gəncə şəhər sakini N.Yusifovun idarə etdiyi “MAN” markalı yük avtomobili Bərdə rayon sakini Ə.Fətəliyevin idarə etdiyi “MTZ” markalı traktorla toqquşmuşdur. Nəticədə xəsarətlə xəstəxanaya yerləşdirilmiş Ə.Fətəliyev orada ölmüşdür.
Baş İstintaq və Təhqiqat İdarəsi tərəfindən araşdırma aparılır.

Bakı şəhər sakini İ.Ağayevdən “Marqolin” markalı tapança və 44 ədəd patron aşkar edilərək götürülmüşdür
19 yanvar 2021

Baş Mütəşəkkil Cinayətkarlıqla Mübarizə İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Bakı şəhər sakini İ.Ağayev Binəqədi rayonu ərazisində saxlanılmışdır. Ondan “Marqolin” markalı tapança və 44 ədəd patron aşkar edilərək götürülmüşdür.

Sumqayıt şəhəri Novxanı bağlar yaşayış sahəsində yaşayan H.Tumasovdan tapança, 61 ədəd sandıq və 299 ədəd patron da götürülmüşdür
19 yanvar 2021

Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Sumqayıt şəhəri Novxanı bağlar yaşayış sahəsində yaşayan H.Tumasovdan 3 ədəd patron aşkar edilərək götürülmüşdür.
Davam etdirilən tədbirlərlə onun yaşadığı evə baxış zamanı oradan “Makarov” markalı tapança, 61 ədəd sandıq və 296 ədəd patron da götürülmüşdür.

Narkotiklərin qanunsuz dövriyyəsində şübhəli bilinən N.Əliyevin evindən 5 kiloqramdan artıq marixuana və 1 ədəd elektron tərəzi aşkar edilərək götürülmüşdür
19 yanvar 2021

Baş Narkotiklərlə Mübarizə İdarəsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən N.Əliyev Xəzər rayonu ərazisində saxlanılmışdır. Şəxsi axtarış zamanı ondan 7 qramdan artıq, yaşadığı Buzovna qəsəbəsi Albalı bağlar sahəsindəki evdən isə 5 kiloqramdan artıq marixuana və 1 ədəd elektron tərəzi aşkar edilərək götürülmüşdür.

3 avtomobildən oğurluq etməkdə şübhəli bilinən Bakı şəhər sakini İ.Cəbiyev saxlanılmışdır
19 yanvar 2021

Qaradağ RPİ 38-ci PB əməkdaşlarının keçirdikləri əməliyyat-axtarış tədbirləri nəticəsində yanvarın 6-dan 16-dək olan müddətdə rayon ərazisində 3 avtomobildən akkumulyator, təkər, içərisində bank kartları və sənəd olan pulqabı oğurlamaqda şübhəli bilinən Bakı şəhər sakini İ.Cəbiyev saxlanılmışdır.

Oğurluqda şübhəli bilinən Gəncə şəhər sakini E.Əliyev saxlanılmışdır
19 yanvar 2021

Kəpəz RPİ əməkdaşlarının keçirdikləri əməliyyat-axtarış tədbirləri nəticəsində yanvarın 13-də rayon ərazisindəki evlərin birindən 4100 manat pul və 310 manat dəyərində məişət əşyaları oğurlamaqda şübhəli bilinən Gəncə şəhər sakini, əvvəllər məhkum olunmuş E.Əliyev saxlanılmışdır.

Narkotiklərin qanunsuz dövriyyəsində şübhəli bilinən Ə.Məmmədov ümumilikdə 472 qram marixuana aşkar edilərək götürülmüşdür
19 yanvar 2021

Göyçay RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən əvvəllər məhkum olunmuş Ə.Məmmədov saxlanılmışdır. Şəxsi axtarış zamanı ondan 7 qrama yaxın, yaşadığı evin qarajına baxış zamanı isə 465 qram marixuana aşkar edilərək götürülmüşdür.

Biləsuvar rayonunun Alar kənd sakini İ.Əzimovdan müvafiq sənədləri olmayan ov tüfəngi aşkar edilərək götürülmüşdür
19 yanvar 2021

Biləsuvar RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Alar kənd sakini İ.Əzimovdan müvafiq sənədləri olmayan “İJ-18” markalı ov tüfəngi aşkar edilərək götürülmüşdür.