Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Kkultivasiya yolu ilə yetişdirilmiş 10 ədəd çətənə kolu və 10,120 qram marixuana aşkar edilərək götürülmüşdür
11 iyul 2018

Şabran RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində şəhər sakini Cəlal Ağayevə məxsus həyətyanı sahədən kultivasiya yolu ilə yetişdirilmiş 10 ədəd çətənə kolu və 10,120 qram marixuana aşkar edilərək götürülmüşdür.

Oğurluq etmiş Zaur Suleykinin iki avtomobildən akkumulyator və balıq tutumaq üçün ləvazımatlar oğurlaması da müəyyən edilmişdir
11 iyul 2018

Oğurluq etmiş Zaur Suleykinin ətrafında Nəsimi RPİ 20-ci PB-nin əməkdaşları tərəfindən aparılmış əməliyyat tədbirləri ilə onun aprelin 9-dan mayın 21-dək olan müddətdə rayon ərazisindəki iki avtomobildən akkumulyator və balıq tutumaq üçün ləvazımatlar oğurlaması da müəyyən edilmişdir.

Ağcabədi rayonunun Xocavənd kəndi ərazisində yol-nəqliyyat hadisəsi
11 iyul 2018

İyulun 10-da saat 23 radələrində Ağcabədi rayonunun Xocavənd kəndi ərazisində Ağdam rayon sakini Yasir Sadıqovun idarə etdiyi “Mercedes” (yük) və Tovuz rayon sakini Əli Quliyevin idarə etdiyi “VAZ-21064” markalı avtomobillər toqquşmuşdur. Nəticədə Ə.Quliyevin sərnişini - həmyerlisi Rüfət Əliyev hadisə yerində ölmüşdür.
Baş İstintaq və Təhqiqat İdarəsi tərəfindən araşdırma aparılır.

Daşkəsən rayonunun Əmirvar kənd sakini Elbəyi Məmmədova açdığı atəşlə xəsarət yetirmiş Sofi Məmmədovdan müvafiq sənədləri olan tüfəng götürülmüşdür
10 iyul 2018

İyulun 10-da Daşkəsən rayonunun Əmirvar kəndi ərazisində kənd sakini Sofi Məmmədov münaqişə zəminində sərxoş halda olan həmkəndlisi Elbəyi Məmmədovun istiqamətində atəş açmışdır. Nəticədə E.Məmmədov yüngül xəsarət almışdır.

S.Məmmədov Daşkəsən RPŞ-nin əməkdaşları tərəfindən saxlanılmış, ondan müvafiq sənədləri olan “TOZ-16” markalı tüfəng götürülmüşdür.

Araşdırma aparılır. 

Gün ərzində 104 cinayət faktı qeydə alınmışdır
10 iyul 2018Respublikanın daxili işlər orqanları tərəfindən gün ərzində 104 cinayət faktı qeydə alınmış, onların da 12-si “isti izlər”lə açılmışdır.
  • Əvvəlki dövrlərdən bağlı qalmış 3 cinayətin açılması təmin olunmuşdur. 
  • Axtarışda olduğuna görə ümumilikdə 15 nəfər, o cümlədən borclu şəxs qismində axtarışda olan 8 nəfər saxlanılaraq aidiyyatı üzrə təhvil verilmişdir.
  • Respublikanın avtomobil yollarında 5 yol-nəqliyyat hadisəsi baş vermiş, nəticədə 3 nəfər ölmüş, 12 nəfər xəsarət almışdır.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 4, qanunsuz saxlanılan silah-sursatla bağlı 1 fakt müəyyən edilmişdir.
  • Cinayət törətməkdə şübhəli bilinən 19 nəfər saxlanılmışdır.
Şəmkir rayon sakini Mübariz Lətifoğludan küstar üsulla düzəldilmiş tapança və 6 ədəd patron götürülmüşdür
10 iyul 2018

Baş Mütəşəkkil Cinayətkarlıqla Mübarizə İdarəsi və Şəmkir RPŞ əməkdaşlarının birgə keçirdikləri əməliyyat tədbirləri nəticəsində paytaxtın N.Nərimanov rayonu ərazisində Şəmkir rayon sakini Mübariz Lətifoğludan küstar üsulla düzəldilmiş tapança və 6 ədəd patron götürülmüşdür.

Kultivasiya yolu ilə yetişdirilmiş çətənə kolları aşkar edilərək götürülmüşdür
10 iyul 2018

Abşeron RPİ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Saray qəsəbə sakini Həsən Hüseynova məxsus həyətyanı sahədən kultivasiya yolu ilə yetişdirilmiş 53 ədəd çətənə kolu aşkar edilərək götürülmüşdür.

Qusar RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində Çiləgir kənd sakini Ağazaman Zamanova məxsus həyətyanı sahədən kultivasiya yolu ilə yetişdirilmiş 23 ədəd çətənə kolu aşkar edilərək götürülmüşdür.

Oğurluqda şübhəli bilinən Bakı şəhər sakini Elşad Fərzəliyev saxlanılmışdır
10 iyul 2018

Xəzər RPİ 1-ci PŞ əməkdaşlarının keçirdikləri əməliyyat-axtarış tədbirləri nəticəsində iyulun 6-da Akif Vəliyevin həyətindən 1 baş inək oğurlamaqda şübhəli bilinən Bakı şəhər sakini Elşad Fərzəliyev saxlanılmışdır.
Onun iyunun 27-də Bakı şəhər sakinləri, əvvəllər məhkum olunmuşlar Asif Ağayev və Nizami Abbasovla birgə Əlmurad Vəlizadənin həyətindən 2 baş inək oğurlaması da müəyyən edilmişdir. Görülmüş tədbirlərlə A.Ağayev və N.Abbasov saxlanılmışlar.

2 baş inək oğurlamaqda şübhəli bilinən Salyan rayonunun Birinci Varlı kənd sakinləri Rəşad Rəşidov, Ramil Rzayev və qardaşı Famil saxlanılmışlar
10 iyul 2018

Salyan RPŞ əməkdaşlarının keçirdikləri əməliyyat-axtarış tədbirləri nəticəsində iyulun 8-də Abdulla Cəbrayılovun həyətindən 2 baş inək oğurlamaqda şübhəli bilinən Birinci Varlı kənd sakinləri Rəşad Rəşidov, Ramil Rzayev və qardaşı Famil saxlanılmışlar.

Göygöl rayonunun Balçılı kəndi ərazisində yol-nəqliyyat hadisəsi
10 iyul 2018

İyulun 10-da saat 12 radələrində Göygöl rayonunun Balçılı kəndi ərazisində Tərtər rayon sakini Fuad Aydınzadə idarə etdiyi “Mercedes” markalı avtomobili yol ayırıcısına vurmuşdur. Nəticədə sürücü və sərnişinləri - anası Bənövşə və qızı Nuray hadisə yerində ölmüşlər.
Baş İstintaq və Təhqiqat İdarəsi tərəfindən araşdırma aparılır.