Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Nəqliyyat vasitəsi qaçırmaqda şübhəli bilinən Şəmkir rayonunun Morul kənd sakini olan yeniyetmə avtomobillə birgə saxlanılmışdır
05 iyul 2018

İyulun 4-də Şəmkir rayonunun Çinarlı qəsəbəsi ərazisindən Əliyaqublu kənd sakini Saleh Məmmədova məxsus “VAZ-2106” markalı avtomobil qaçırılmışdır.

Şəmkir RPŞ əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Morul kənd sakini olan bir yeniyetmə qəsəbə ərazisində avtomobillə birgə saxlanılmışdır.

Şəmkir RPŞ tərəfindən araşdırma aparılır.

Biləsuvar rayonunun Xırmandalı kəndi ərazisində yol-nəqliyyat hadisəsi
05 iyul 2018

İyulun 5-də saat 4 radələrində Biləsuvar rayonunun Xırmandalı kəndi ərazisində Bakı şəhər sakini Əli Kərimlinin idarə etdiyi “İsuzu” (yük) və Cəlilabad rayon sakini Rəşad Həsənovun idarə etdiyi “VAZ-2106” markalı avtomobillər toqquşmuşdur. Nəticədə R.Həsənov və sərnişinlərindən həmyerlisi Saməddin İsmayılov hadisə yerində ölmüş, digər iki sərnişini xəstəxanaya yerləşdirilmişlər.
Baş İstintaq və Təhqiqat İdarəsi tərəfindən araşdırma aparılır.

Oğurluq etdiklərinə görə saxlanılmış Zaur Suleykinin və İlkin Salayevin daha 3 evdən oğurluq etdikləri müəyyən edilmişdir
05 iyul 2018

Oğurluq etdiklərinə görə saxlanılmış Zaur Suleykinin və İlkin Salayevin ətraflarında Binəqədi RPİ 6-cı PB-nin əməkdaşları tərəfindən aparılmış əməliyyat tədbirləri ilə onların mayın 14-dən iyulun 11-dək olan müddətdə Biləcəri qəsəbəsindəki 3 evdən ümumilikdə 2300 manat və mobil telefon, 200 manat dəyərində qızıl əşyalar və təmir-tikinti alətləri oğurlamaları da müəyyən edilmişdir.

Oğurluqda şübhəli bilinən Bakı şəhər sakini Namiq Əliyev saxlanılmışdır
05 iyul 2018

Nərimanov RPİ 16-cı PB əməkdaşlarının keçirdikləri əməliyyat-axtarış tədbirləri nəticəsində iyulun 4-də rayon ərazisindəki evlərin birindən 5000 manat dəyərində qızıl əşyalar oğurlamaqda şübhəli bilinən Bakı şəhər sakini, əvvəllər məhkum olunmuş Namiq Əliyev saxlanılmışdır.

Mobil telefon oğurlamaqda şübhəli bilinən paytaxt sakini Y.Məhərrəmova saxlanılmışdır
05 iyul 2018

Xətai RPİ 34-cü PŞ-nin əməkdaşları tərəfindən iyunun 23-də Bakı şəhər sakini G.Əbdiyevanın mobil telefonunu oğurlamaqda şübhəli bilinən paytaxt sakini Y.Məhərrəmova saxlanılmışdır.

Goranboy rayonunun Nizamikənd kəndi ərazisində yol-nəqliyyat hadisəsi
05 iyul 2018

İyulun 5-də saat 15 radələrində Goranboy rayonunun Nizamikənd kəndi ərazisində Şadılı kənd sakini Vüsal Bayramov idarə etdiyi “VAZ-21011” markalı avtomobili qarşıda gedən Cəmil Talıbovun idarə etdiyi “Suzuki” markalı avtomobilə vurmuşdur. Nəticədə C.Talıbovun sərnişinlərindən - arvadı Aidə Abdullayeva hadisə yerində ölmüş, digər sərnişini oğlu Rauf, habelə V.Bayramov və sərnişini həmkəndlisi Əlikram Sadıqov xəstəxanaya yerləşdirilmişlər.
Baş İstintaq və Təhqiqat İdarəsi tərəfindən araşdırma aparılır.

Gün ərzində 100 cinayət faktı qeydə alınmışdır
05 iyul 2018Respublikanın daxili işlər orqanları tərəfindən gün ərzində 100 cinayət faktı qeydə alınmış, onların da 18-i “isti izlər”lə açılmışdır.
  • Əvvəlki dövrlərdən bağlı qalmış 5 cinayətin açılması təmin olunmuşdur.
  • Axtarışda olduğuna görə ümumilikdə 13 nəfər, o cümlədən mülki-hüquqi öhdəliklərin icrasından yayındığına görə 2 nəfər, borclu şəxs qismində axtarışda olan 5 nəfər saxlanılaraq aidiyyəti üzrə təhvil verilmişdir.
  • Respublikanın avtomobil yollarında 5 yol-nəqliyyat hadisəsi baş vermiş, nəticədə 3 nəfər ölmüş, 14 nəfər xəsarət almışdır.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 6 fakt müəyyən edilmişdir. 
  • Cinayət törətməkdə şübhəli bilinən 11 nəfər saxlanılmışdır.
Gün ərzində 119 cinayət faktı qeydə alınmışdır
04 iyul 2018Respublikanın daxili işlər orqanları tərəfindən gün ərzində 119 cinayət faktı qeydə alınmış, onların da 14-ü “isti izlər”lə açılmışdır.
  • Əvvəlki dövrlərdən bağlı qalmış 9 cinayətin açılması təmin olunmuşdur. 
  • Axtarışda olduğuna görə ümumilikdə 10 nəfər, o cümlədən mülki-hüquqi öhdəliklərin icrasından yayındığına görə 1 nəfər, borclu şəxs qismində axtarışda olan 8 nəfər saxlanılaraq aidiyyatı üzrə təhvil verilmişdir.
  • Respublikanın avtomobil yollarında 7 yol-nəqliyyat hadisəsi baş vermiş, nəticədə 1 nəfər ölmüş, 12 nəfər xəsarət almışdır.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 7 fakt müəyyən edilmişdir.
  • Cinayət törətməkdə şübhəli bilinən 16 nəfər saxlanılmışdır.
Qəbələ şəhərinin ərazisində yol-nəqliyyat hadisəsi
04 iyul 2018

İyulun 4-də saat 22 radələrində Qəbələ şəhərinin ərazisində Ağdaş rayon sakini  Ziyanur Mustafayev idarə etdiyi “Opel” markalı avtomobillə yolu keçən Hacallı kənd sakinləri Rəvan Haqverdiyevi və onun azyaşlı oğlu Rövşəni vurmuşdur. Nəticədə uşaq hadisə yerində ölmüş, R.Haqverdiyev xəstəxanaya yerləşdirilmişdir. 
Qəbələ RPŞ tərəfindən araşdırma aparılır.

Zabrat qəsəbəsi ərazisindəki qəbiristanlıqda “AK” markalı silah, 29 ədəd patron və 1 ədəd patron darağı tapılmışdır
04 iyul 2018

Aparılmış profilaktiki tədbirlər nəticəsində Baş Cinayət Axtarışı İdarəsi və Sabunçu RPİ 15-ci PB-nin əməkdaşları tərəfindən Zabrat qəsəbəsi ərazisindəki qəbiristanlıqda “AK” markalı silah, 29 ədəd patron və 1 ədəd patron darağı tapılmışdır.