Su obyektlərinin çirklənməsi və zibillənməsi hallarının qarşısının alınması məqsədilə reydlər keçirilib
17.05.2019
Daxili İşlər Nazirliyinin Baş İctimai Təhlükəsizlik İdarəsi Ekologiya və Təbii Sərvətlər Nazirliyinin müvafiq qurumları ilə birgə Bakı şəhər ərazisində su obyektlərinin çirklənməsi və zibillənməsi hallarının qarşısının alınması məqsədilə mütəmadi tədbirlər həyata keçirir. DİN Mətbuat Xidmətindən verilən məlumata görə, növbəti belə tədbir mayın 16-da paytaxtın Binəqədi rayonu ərazisində keçirilib. Reyd zamanı çirkab suları ətrafa axıtdığına görə Xocəsən qəsəbə sakini A.Bağırov barəsində İnzibati Xətalar Məcəlləsinin 264-cü (Su obyektlərinin mühafizəsi qaydalarının pozulması), texniki suları kənara təyinatsız axıtdığına görə isə Xocəsən qəsəbə sakini E.İsmayılov barəsində İnzibati Xətalar Məcəlləsinin 262-ci (Su obyektlərindən və sudan istifadə qaydalarının pozulması) maddələri ilə protokollar tərtib edilmişdir.
Bu istiqamətdə tədbirlər davam etdirilir.
Çap et
ƏLAQƏLİ PRESS-RELİZLƏR
