Azərbaycan Respublikası Daxili İşlər Nazirliyi

Press-relizlər

tarixindən tarixinə
Xəzər rayonunun Binə qəsəbəsində yol-nəqliyyat hadisəsi
18 yanvar 2018

Yanvarın 18-də saat 1 radələrində Xəzər rayonunun Binə qəsəbəsində qəsəbə sakini Tural Mürsəlzadə idarə etdiyi “Zontes” markalı motosikleti qarşıda gedən Nurlan Məmmədovun 160 saylı xətt üzrə idarə etdiyi “Daewoo” markalı avtobusa vurmuşdur. Nəticədə T.Mürsəlzadə hadisə yerində ölmüş, sərnişini, Bakı şəhər sakini Rövşən Qurbanova xəstəxanada ilkin tibbi yardım göstərildikdən sonra buraxılmışdır.
Xəzər RPİ tərəfindən araşdırma aparılır.

Dələduzluğa görə cəza çəkən Ramin Məmmədov Bakı şəhəri ərazisindəki qəbiristanlıqların birində odlu silah-sursat gizlətməsini etiraf edib
17 yanvar 2018Cinayət Məcəlləsinin 178-ci (Dələduzluq) maddəsi ilə Bakı İstintaq Təcridxanasında cəza çəkən Ramin Məmmədovun ətrafında DİN-in Baş Cinayət Axtarışı İdarəsinin və Ədliyyə Nazirliyinin Penitensiar Xidməti əməkdaşları tərəfindən həyata keçirilən tədbirlərlə o, Bakı şəhəri ərazisindəki qəbiristanlıqların birində odlu silah-sursat gizlətməsini etiraf edib.

Əməliyyat tədbirlərinin davamı olaraq paytaxtın Nizami rayonu ərazisindəki qəbristanlıqda  R.Məmmədovun gizlətdiyi nömrəsi silinmiş “TT” markalı tapança, 1 ədəd patron darağı və 2 patron aşkar edilərək götürülüb.

Gün ərzində 110 cinayət faktı qeydə alınıb
17 yanvar 2018

Respublikanın daxili işlər orqanları tərəfindən gün ərzində 110 cinayət faktı qeydə alınıb, onların da 19-u “isti izlər”lə açılıb. 

  • Axtarışda olduğuna görə 27 nəfər saxlanılaraq aidiyyatı üzrə təhvil verilib. 
  • Respublikanın avtomobil yollarında 4 yol-nəqliyyat hadisəsi baş verib, nəticədə 2 nəfər ölüb, 4 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 5, qanunsuz saxlanılan silah-sursatla bağlı 1 fakt müəyyən edilib.
  • Cinayət törətməkdə şübhəli bilinən 32 nəfər saxlanılıb.

Saray qəsəbəsindən qəsəbə sakini Muğan Şalikovu vuraraq qətlə yetirməkdə şübhəli bilinən qohumu Vüqar Həsənov tutulub
17 yanvar 2018

Yanvarın 15-də Abşeron rayonunun Saray qəsəbəsindən qəsəbə sakini Muğan Şalikovun yıxılaraq kəllə-beyin travması alaraq xəstəxanaya yerləşdirilməsi barədə DİN-in “102 Xidməti-Zəng Mərkəzi”nə məlumat daxil olmuşdur.

Abşeron RPİ əməkdaşları tərəfindən aparılmış təxirəsalınmaz əməliyyat-axtarış tədbirləri nəticəsində M.Şalikovun həmin gün Saray qəsəbəsi ərazisində aralarında yaranmış münaqişə zəminində qohumu Vüqar Həsənov tərəfindən döyülməsi müəyyən edilmişdir.

M.Şalikov yanvarın 17-də xəstəxanada ölmüşdür.

Faktla əlaqədar cinayət işi başlanılmışdır. 

V.Hüseynov polis əməkdaşları tərəfindən saxlanılaraq istintaqa təhvil verilmişdir. 

Qeydiyyatdan keçməyən 400 ədəd dini ədəbiyyat aşkar edilərək götürülmüşdür
17 yanvar 2018

DİN-in Baş İctimai Təhlükəsizlik İdarəsi, Sabunçu RPİ-nin 13-cü Polis Bölməsi və Dini Qurumlarla İş üzrə Dövlət Komitəsinin əməkdaşları tərəfindən Sabunçu rayonunun Sülh küçəsində yerləşən “Ənsar” mağazasına baxış zamanı Dini Qurumlarla İş üzrə Dövlət Komitəsindən qeydiyyatdan keçməyən 400 ədəd dini ədəbiyyat aşkar edilərək götürülmüşdür.
Mağazanın satıcısı, Bakı şəhər sakini Ruhiyyə Mehdiyeva barəsində İnzibati Xətalar Məcəlləsinin 516.0.2.-ci maddəsi ilə protokol tərtib edilmişdir.

Qəza törədərək hadisə yerindən qaçmaqda şübhəli bilinən sürücü Balakən rayonunun Xalatala kənd sakini Şaban Dibirov polis əməkdaşları tərəfindən saxlanılıb
17 yanvar 2018

Yanvarın 14-də Balakən rayon sakini Nurlan Sabirovun aldığı ağır xəsarətlər nəticəsində xəstəxanaya yerləşdirilməsi barədə Rayon Polis Şöbəsinə məlumat daxil olub.

Dərhal müvafiq tədbirlər həyata keçirilib. Araşdırmalarla həmin gün saat 23 radələrində Talalar kəndi ərazisində yolu keçən Tülü kənd sakini Nurlan Sabirovun müəyyən edilməyən avtomobillə vurulması və xəsarətlə xəstəxanaya yerləşdirilməsi məlum olub.

Əməliyyat-axtarış tədbirləri ilə yol-nəqliyyat hadisəsinin “Audi” markalı avtomaşınla törədilməsi müəyyən edilib. Qəzanı törədərək hadisə yerindən qaçmaqda şübhəli bilinən həmin avtomobilin sürücüsü, Xalatala kənd sakini Şaban Dibirov polis əməkdaşları tərəfindən saxlanılaraq istintaqa təhvil verilib.
Araşdırma aparılır. 

Sumqayıt şəhər sakini Fəxri Ellazgil saxlanılıb
17 yanvar 2018

Yanvarın 17-də Sumqayıt Şəhər Polis İdarəsinin 3-cü Polis Bölməsinə müraciət edən şəhər sakini olan qadın yanvarın 8-də mobil telefonunun oğurlandığını bildirib.

Dərhal əməliyyat-axtarış tədbirlərinə başlanılıb və oğurluğu törətməkdə şübhəli bilinən şəxs polis əməkdaşları tərəfindən saxlanılıb.

Araşdırmalarla onun Sumqayıt şəhər sakini, əvvəllər məhkum olunmuş Fəxri Ellazgil olması, həmin gün  qohumu olan digər bir qadına qarşı da zor tətbiq edərək mobil telefonunu alması, həmçinin onun Cinayət Məcəlləsinin 178-ci (dələduzluq) maddəsi ilə axtarışda olması da müəyyən edilib. 

Soyğunçuluqda şübhəli bilinən Gəncə şəhər sakini Elmir Nağıyev saxlanılıb
17 yanvar 2018

Yanvarın 10-da Gəncə şəhər sakini olan qadın qızıl boyunbağısının boynundan qoparılıb aparılması barədə Kəpəz Rayon Polis İdarəsinə müraciət edib.

Faktla əlaqədar cinayət işi başlanılıb.

Həyata keçirilən əməliyyat tədbirləri ilə soyğunçuluğu törətməkdə şübhəli bilinən şəxs saxlanılaraq istintaqa təhvil verilib.
Araşdırmalarla onun Gəncə şəhər sakini, əvvəllər məhkum olunmuş Elmir Nağıyev olması müəyyən edilib. Saxlanılan şəxsin həmçinin zərərçəkmişin qohumu olması da məlum olub. 

Oğurluqda şübhəli bilinən Corat qəsəbə sakini Şirvan Xəlilov saxlanılmışdır
17 yanvar 2018

Sumqayıt ŞPİ 1-ci PB əməkdaşlarının keçirdikləri əməliyyat-axtarış tədbirləri nəticəsində ötən il dekabrın 8-dən cari il yanvarın 9-dək olan müddətdə rayon ərazisindəki 7 evdən pul, su mühərriki, 40 metr elektrik naqili, təmir-tikinti alətləri və məişət əşyaları oğurlamaqda şübhəli bilinən Corat qəsəbə sakini Şirvan Xəlilov saxlanılmışdır.

Oğurlamaqda şübhəli bilinən Şəmkir və Yevlax rayon sakinləri 2 yeniyetmə saxlanılmışdır
17 yanvar 2018

Nəsimi RPİ 19-cu PB əməkdaşlarının keçirdikləri əməliyyat-axtarış tədbirləri nəticəsində ötən il mayın 14-dən cari il yanvarın 8-dək olan müddətdə rayon ərazisindəki çay evlərinin birindən samovar, 1 mağazadan 4 mobil telefon, 3 planşet, 7 noutbuk, 1 yaddaş kartı, 20 mobil telefon üçün enerji bloku və geyim əşyalarını oğurlamaqda şübhəli bilinən Şəmkir və Yevlax rayon sakinləri, əvvəllər məhkum olunmuş 2 yeniyetmə saxlanılmışdır.

[1] [2] [3] [4] [5] [6] [7] [8] [9] [10] [11] [>>]




Çap et  Çap et