Azərbaycan Respublikası Daxili İşlər Nazirliyi

Press-relizlər Kriminal xronika Məlumatlar
Gün ərzində 77 cinayət faktı qeydə alınıb
27 iyun 2017

Respublikanın daxili işlər orqanları tərəfindən gün ərzində 77 cinayət faktı qeydə alınıb, onların da 10-u “isti izlər”lə açılıb. 

  • Cinayət Məcəlləsinin müxtəlif maddələri ilə axtarılan 11 nəfər tutularaq istintaq orqanlarına təhvil verilib. 
  • Respublikanın avtomobil yollarında 5 yol-nəqliyyat hadisəsi baş verib, nəticədə 3 nəfər ölüb, 9 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 7 fakt müəyyən edilib.  
  • Cinayət törətməkdə şübhəli bilinən 14 nəfər tutulub.

Astara rayon sakinləri Rövşən Məmmədov və Şahlar Novruzov tutulublar
27 iyun 2017

İyunun 27-də saat 2 radələrində Xəzər rayonunun Zirə qəsəbəsi ərazisindəki bağ evlərindən birnə gələn naməlum 2 nəfər orada olan gözətçi İqor Vasinə küt alətlə xəsarət yetirib, təmir-tikinti alətləri götürərək evi yandırıblar.  

İ.Vasin xəstəxanaya yerləşdirilib.

Xəzər RPİ 1-ci PB əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Astara rayon sakinləri Rövşən Məmmədov və əvvəllər məhkum olunmuş Şahlar Novruzov tutulublar.
Faktla əlaqədar cinayət işi başlanılıb. 

Oğurluqda şübhəli bilinən Gəncə şəhər Avtozavod qəsəbə sakini Vüqar Həşimov tutulub
27 iyun 2017

Kəpəz RPİ-nin əməkdaşları tərəfindən iyunun 24-də rayon ərazisindəki evlərdən birindən məişət əşyası, 100 kiloqram mis və 20 kiloqram latun oğurlamaqda şübhəli bilinən Avtozavod qəsəbə sakini, əvvəllər məhkum olunmuş Vüqar Həşimov tutulub. 

Şəmkir rayon sakini Muraz Rüstəmovdan narkotik vasitələr götürülüb
27 iyun 2017

Nizami (Gəncə) RPİ əməkdaşlarının keçirdikləri əməliyyat tədbirləri nəticəsində Şəmkir rayon sakini Muraz Rüstəmovdan 2 kiloqram 421 qram marixuana götürülüb. Onun Şəmkir rayonunun Dəllər Cırdaxan kəndindəki evinə baxış zamanı isə əlavə olaraq 550 qram marixuana aşkar edilərək götürülüb.

Ümumi çəkisi 635 kq olan 2286 ədəd çətənə kolu aşkar edilərək məhv edilib
27 iyun 2017

Tovuz RPŞ əməkdaşları tərəfindən Əyyublu kəndi ərazisində yabanı halda bitən, ümumi çəkisi 635 kiloqram olan 2286 ədəd çətənə kolu aşkar edilərək məhv edilib.

Sabirabad rayonunun Qaratəpə kənd sakini Səbuhi Rüstəmovdan narkotik vasitələr aşkar edilərək götürülüb
27 iyun 2017

Daxil olan məlumat əsasında Sabirabad RPŞ əməkdaşlarının həyata keçirdikləri əməliyyat tədbirləri ilə Qaratəpə kənd sakini Səbuhi Rüstəmova məxsus həyətyanı sahədən kultivasiya yolu ilə yetişdirilən 1 ədəd çətənə kolu, evindən isə 3 kiloqram 125 qram marixuana aşkar edilərək götürülüb.

Hacıqabul rayonunun Nəvahi qəsəbəsi ərazisində yol-nəqliyyat hadisəsi
27 iyun 2017

İyunun 27-də saat 15 radələrində Hacıqabul rayonunun Nəvahi qəsəbəsi ərazisində Tovuz rayon sakini Orxan Mirzəyev idarə etdiyi "Toyota" markalı avtomobili aşırıb. Nəticədə sürücü və sərnişinlərindən həmyerlisi Elgün Abbasov hadisə yerində ölüblər, digər 1 sərnişin isə xəstəxanaya yerləşdirilib.  
Baş İstintaq və Təhqiqat İdarəsi tərəfindən araşdırma aparılır. 





Çap et  Çap et