Azərbaycan Respublikası Daxili İşlər Nazirliyi

Press-relizlər Kriminal xronika Məlumatlar
Gün ərzində 103 cinayət faktı qeydə alınıb
16 oktyabr 2017

Respublikanın daxili işlər orqanları tərəfindən gün ərzində 103 cinayət faktı qeydə alınıb, onların da 16-sı “isti izlər”lə açılıb. 

  • Cinayət Məcəlləsinin müxtəlif maddələri ilə axtarılan 17 nəfər tutularaq istintaq orqanlarına təhvil verilib. 
  • Respublikanın avtomobil yollarında 1 yol-nəqliyyat hadisəsi baş verib, nəticədə 1 nəfər ölüb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 7 fakt müəyyən edilib.
  • Cinayət törətməkdə şübhəli bilinən 17 nəfər tutulub.
Xətai rayonun N.Mahmudov küçəsindəki məişət tullantıları yığılan yerlərdən birindən silah-sursat tapılıb
16 oktyabr 2017

Xətai RPİ 34-cü PB və Əlahiddə Çevik Polis Alayının əməkdaşları tərəfindən rayonun N.Mahmudov küçəsindəki məişət tullantıları yığılan yerlərdən birindən 4 ədəd “F-1” qumbarası, 5 ədəd alışqan, 1 ədəd “AKSU-74” markalı nömrəsi silinmiş silah, 1 ədəd patron darağı və 6 ədəd 5,45 çaplı patron olan idman çantası tapılıb.

385 manat və sənəd oğurlamaqda şübhəli bilinən Ramiz Həmidov tutulub
16 oktyabr 2017

Sumqayıt ŞPİ 4-cü PB əməkdaşlarının keçirdikləri əməliyyat-axtarış tədbirləri nəticəsində oktyabrın 11-də şəhər sakini olan bir qadının çantasından 385 manat və sənəd oğurlamaqda şübhəli bilinən, əvvəllər məhkum olunmuş Ramiz Həmidov tutulub.

2 ədəd oyun aparatı və 12 ədəd pult oğurlamaqda şübhəli bilinən Bakı şəhər sakini Baba İlyasov tutulub
16 oktyabr 2017

Nərimanov RPİ 16-cı PB-nin əməkdaşları tərəfindən oktyabrın 13-də Rafiq Məmmədova məxsus kompyuter salonundan 2 ədəd oyun aparatı və 12 ədəd pult oğurlamaqda şübhəli bilinən Bakı şəhər sakini Baba İlyasov tutulub. 

Xaçmaz rayonunun Məhrəli-qışlaq kəndi ərazisində yol-nəqliyyat hadisəsi
16 oktyabr 2017

Oktyabrın 16-da saat 19 radələrində Xaçmaz rayonunun Məhrəli-qışlaq kəndi ərazisində Siyəzən rayon sakini Şamil Ələkbərov idarə etdiyi “Mercedes” markalı avtomobillə yolu keçən rayon sakini Nuru Zeynalovu vurub. Nəticədə piyada xəstəxanaya aparılarkən yolda ölüb.
Baş İstintaq və Təhqiqat İdarəsi tərəfindən araşdırma aparılır.

Oğurluq etməkdə şübhəli bilindiyinə görə tutulan Asif Qalimovun törətdiyi digər cinayət əməlləri də müəyyən edilib
16 oktyabr 2017

Oğurluq etməkdə şübhəli bilindiyinə görə tutulan Asif Qalimovun ətrafında Nərimanov RPİ 18-ci PB-nin əməkdaşları tərəfindən aparılan əməliyyat tədbirləri ilə onun cari ilin iyul - avqust ayları ərzində rayon ərazisində 1 kafedən, 1 çay evindən, 1 oyun zalından, habelə 3 avtomobildən pul, mobil telefon, oyun aparatı və noutbuk oğurlaması da müəyyən edilib.

Soyğunçuluq etməkdə şübhəli bilindiyinə görə tutulan Vasif Məmmədəliyevin və Elməddin Abbasovun 3 baş inək oğurlamaları da müəyyən edilib
16 oktyabr 2017

Soyğunçuluq etməkdə şübhəli bilindiyinə görə tutulan Vasif Məmmədəliyevin və Elməddin Abbasovun ətraflarında Zaqatala RPŞ-nin əməkdaşları tərəfindən aparılan əməliyyat tədbirləri ilə onların cari il yanvarın 6-da Beyləqan rayon sakini Kəmaləddin Vəliyevlə birgə Mətləb Hüseynova məxsus yardımçı təsərrüfatdan 3 baş inək oğurlamaları da müəyyən edilib.
Görülən tədbirlərlə K.Vəliyev də tutulub.    





Çap et  Çap et