Axtarış

Virtual Karabakh Karabakh Justice for khojaly

Vətəndaşlardan təşəkkür məktubları

04 dekabr 2017
Abşeron rayonunun Görədil kənd sakini Elmar Hüseynov polisə təşəkkür edir.
04 dekabr 2017
Bakı şəhər sakinləri Sakit Məmmədov, Pərviz Nəsirov və Ağaəli Dostəliyev “Əcəmi” MMC-nin keçmiş təsisçisi Murad Muradov və qeyriləri barədə etdikləri müraciətə Baş Mütəşəkkil Cinayətkarlıqla Mübarizə İdarəsində baxıldığına və aparılan araşdırmalardan sonra hər şeyin qanun çərçivəsində öz həllini tapdığına görə DİN rəhbərliyinə təşəkkürünü bildirir.
04 dekabr 2017
Lerik rayon sakini, “Əməkdar həkim” Etibar Həşimov noyabrın 15-də evindən oğurluq edilməsi ilə əlaqədar DİN-in “102” Mərkəzi Zəng Xidmətinə etdiyi müraciətə vaxtında reaksiya verildiyinə, qısa zaman kəsiyində, “isti izlərlə” oğurluq edən şəxsin tapıldığına və dəymiş ziyanın ödənilməsinə görə Lerik RPŞ-nin əməkdaşlarına minnətdarlığını ifadə edir.
04 dekabr 2017
Xırdalan şəhər sakini, istefada olan polis polkovniki Şahı Səfərəliyev DİN-in A.Heydərov adına Respublika Hospitalının Avtolmologiya şöbəsinin əməkdaşlarına həm özünün, həm də bir qrup polis veteranının müalicəsində göstərdikləri köməyə, həmçinin səmimi münasibətə görə təşəkürünü bildirir.
01 dekabr 2017
Vətəndaş Kənan Muxtarov göndərdiyi məktubda bildirir ki, noyabrın 6-da Babək prospektində yol hərəkəti qaydalarını pozduğuna görə DYP əməkdaşı, polis serjantı Zakir Paşayev tərəfindən saxlanılaraq barəsində protokol tərtib edilib. Vətəndaş polis əməkdaşının qanunvericiliyin tələblərinə uyğun olaraq ona qaydaları səbrlə, etik normalar çərçivəsində, yüksək mədəniyyət göstərərək izah etməsindən məmnun qaldığını yazır. O, Z.Paşayevin timsalında bütün polislərə təşəkkür edir.
01 dekabr 2017
Vətəndaş Mustafa Hətəmov göndərdiyi məktubda yazır ki, DİN rəhbərliyinə etdiyi müraciətdən sonra şikayət ərizəsinə Baş Mütəşəkkil Cinayətkarlıqla Mübarizə İdarəsinin əməkdaşları tərəfindən baxılmış və problem qısa müddət ərzində öz həllini tapmışdı. M.Hətəmov buna görə DİN rəhbərliyinə və BMCMİ-nin əməkdaşlarına minnətdarlığını bildirir.
01 dekabr 2017
Lerik rayon Siyov kənd sakini Ramiz Tağıyev göndərdiyi teleqramda RPŞ-nin fəaliyyətindən razılığını bildirir, cinayətkarlığa qarşı mübarizədə, ictimai asayişin qorunmasında və profilaktiki işin aparılmasında polis əməkdaşlarının rolunu yüksək qiymətləndirir.
01 dekabr 2017
Mingəçevir şəhər sakini Qədir İslamov göndərdiyi məktubda bildirir ki, qonşusunun ona olan 2000 manat borcunun qaytarılmasında ŞPŞ əməkdaşlarının böyük rolu olub. Vətəndaş buna görə polis əməkdaşlarına təşəkkür edir.
01 dekabr 2017
Qusar rayon Balaqusar kənd sakini Cavanşir Hacıyev göndərdiyi məktubda bir polis veteranı kimi DİN rəhbərliyi tərəfindən daim diqqət və qayğı ilə əhatə olunmasından razılığını bildirir.
28 noyabr 2017
Bakı şəhər sakini Faiq Aydəmirov DİN-ə ünvanladığı məktubunda yol polisi əməkdaşlarının fəaliyyətindən məmnunluğunu ifadə edir.