Quldurluqda şübhəli bilinən Xaçmaz rayon sakinləri Vüqar Sadıqov və Taleh Cavadov müəyyən edilərək tutulublar
19.05.2017Mayın 12-də Xaçmaz rayonunun Hülövlü kənd sakini Məsumə Qasımovanın evinə açıq qalmış qapıdan girən naməlum şəxslər onu bıçaqla hədələyərək pul verməsini tələb edib. Ev sahibi pulunun olmadığını bildirdikdə isə onlar hadisə yerini tərk ediblər.
Xaçmaz RPŞ əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən rayon sakinləri, əvvəllər məhkum olunmuşlar Vüqar Sadıqov və Taleh Cavadov müəyyən edilərək tutulublar.