Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Abşeron rayonunun Hökməli qəsəbəsində yol-nəqliyyat hadisəsi
23 may 2017

Mayın 23-də saat 22 radələrində Abşeron rayonunun Hökməli qəsəbəsində hələlik müəyyən edilməmiş avtomobillə yolu keçən qəsəbə sakini Famil Kərimov vurulub və nəticədə piyada hadisə yerində ölüb.
Abşeron RPİ tərəfindən əməliyyat-axtarış tədbirləri aparılır.

Bakı şəhər sakini Bəşir Məhərrəmovdan 1,03 kq heroin götürülüb
23 may 2017

Nəqliyyatda Baş Polis İdarəsi əməkdaşlarının keçirdikləri əməliyyat tədbirləri nəticəsində Nərimanov rayonu ərazisində Bakı şəhər sakini, əvvəllər məhkum olunmuş Bəşir Məhərrəmovdan 1 kiloqram 30 qram heroin götürülüb.

Quldurluqda şübhəli bilinən Gəncə şəhər sakini Vüqar Həmzəyev tutulub, daha bir nəfərin isə şəxsiyyəti müəyyən edilib
23 may 2017

Kəpəz RPİ-nin əməkdaşları tərəfindən mayın 21-də Gəncə şəhər sakini Rəşad Cəfərlinin 100 manat pulunu, gümüş qolbağısını və mobil telefonunu quldurluq yolu ilə almaqda şübhəli bilinən şəhər sakini, əvvəllər məhkum olunmuş Vüqar Həmzəyev tutulub, daha bir nəfərin isə şəxsiyyəti müəyyən edilib.

150 metrlik kabel kəsərək oğurlamaqda şübhəli bilinən Gədəbəy şəhər sakini Əli Tağıyev saxlanılıb
23 may 2017

Gədəbəy RPŞ-nin əməkdaşları tərəfindən mayın 22-də “Aztelekom” MMC-yə məxsus kabelin 150 metrlik hissəsini kəsərək oğurlamaqda, digər kabeli isə kəsərək zədələməkdə şübhəli bilinən şəhər sakini, əvvəllər məhkum olunmuş Əli Tağıyev saxlanılıb.

Dələduzluq etməkdə şübhəli bilindiyinə görə tutulan Xəqani Ağayevin daha bir cinayət əməli müəyyən edilib
23 may 2017

Dələduzluq etməkdə şübhəli bilindiyinə görə tutulan Xəqani Ağayevin ətrafında Xaçmaz RPŞ-nin əməkdaşları tərəfindən aparılan tədbirlərlə onun fevralın 22-də Anar Sərkərovu da aldadaraq 1500 manat pulunu və sənədini alması da müəyyən edilib.

Balakən rayonunun Hənifə kənd sakini Nəcməddin Xanlayevdən 93,02 qr marixuana, müvafiq sənədləri olmayan ov tüfəngi və 11 ədəd patron götürülüb
23 may 2017

Balakən RPŞ-nin əməkdaşları tərəfindən Hənifə kənd sakini Nəcməddin Xanlayevdən 93,02 qram marixuana, müvafiq sənədləri olmayan ov tüfəngi və 11 ədəd patron götürülüb.

Yaralı xilas edildi, təqsirkar saxlanıldı
22 may 2017

Mayın 21-də axşam saatlarında Xəzər rayonunun Qala  qəsəbəsindəki "Stansiya" adı ilə tanınan ərazidən keçənlər iki nəfərin mübahisəsinə ayaq saxlamalı olublar. Qısa mübahisə əlbəyaxa davaya çevrilib və tərəflərdən birinin digərinə bıçaq zərbəsi vurması ilə nəticələnib. Hadisəni törədən isə qaçıb aradan çıxıb.  

Ətrafa toplaşanlar təşviş içində nə edəcəklərini bilmirdilər. Yerə uzanıb qalmış, ətrafı qan gölməçəsinə dönmüş yaralıya təcili yardım etmək lazım idi. Sakinlərdən biri o biri küçədən keçən polis maşınını görcək tez ona yaxınlaşaraq yardım istəyib.

Əlahiddə Çevik Polis Alayının əməkdaşları - polis serjantları Yavər Rəcəbov və İntiqam Manafov vaxt itirmədən hadisə yerinə gəlib yaralı Rövşən Ağayevi təcili xəstəxanaya göndərdilər. 

Vətəndaşlar hadisəni törədənin qaçdığı səmti nişan verdilər. Polis əməkdaşları dərhal həmin istiqamətdə axtarış tədbirlərinə başlayaraq ətraf küçələri, döngələri diqqətlə axtarırlar. Birdən köynəyi cırılmış, qan-tərin içində olan bir nəfər diqqəti cəlb edir. Üst-başındakı qan izlərindən həmin adam daha çox şübhə doğurduğundan onu saxlayırlar. Bakı şəhər sakini Zaur İsmayılov olduğu müəyyən edilən həmin şəxs hadisəni törətdiyini etiraf edir. Polis əməkdaşlarının iştirakı ilə cinayətin aləti olan bıçaq onun tulladığı yerdən tapılıb götürülür.  

Sonrakı araşdırmaların aparılması üçün Z.İsmayılov Xəzər Rayon Polis İdarəsinin 1-ci Polis Bölməsinə təhvil verilir.    

Hadisə barədə Əlahiddə Çevik Polis Alayının bölük komandiri, polis mayoru Fikrət Abdullayev bildirdi ki, hər iki əməkdaş ekstremal vəziyyətdə düzgün qərar qəbul etməklə cinayət hadisəsinin vaxtında açılmasına nail olublar. Bu işdə vətəndaşların polisə dəstəyi, vaxtında müraciətinin də xüsusi əhəmiyyəti olub. 

Gün ərzində 84 cinayət faktı qeydə alınıb
22 may 2017

Respublikanın daxili işlər orqanları tərəfindən gün ərzində 84 cinayət faktı qeydə alınıb, onların da 16-sı “isti izlər”lə açılıb. 

  • Cinayət Məcəlləsinin müxtəlif maddələri ilə axtarılan 23 nəfər tutularaq istintaq orqanlarına təhvil verilib. 
  • Respublikanın avtomobil yollarında 3 yol-nəqliyyat hadisəsi baş verib, nəticədə 1 nəfər ölüb, 4 nəfər xəsarət alıb.  
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 10 fakt müəyyən edilib.  
  • Cinayət törətməkdə şübhəli bilinən 18 nəfər tutulub.

Cəlilabad rayon sakinləri Faiq Əliyev və Hüseyn Ağayevdən 1 kq heroin götürülüb
22 may 2017

Baş Narkotiklərlə Mübarizə İdarəsi əməkdaşlarının keçirdikləri əməliyyat tədbirləri nəticəsində Cəlilabad rayonu ərazisində rayon sakinləri, əvvəllər məhkum olunmuş Faiq Əliyev və Hüseyn Ağayevdən 1 kiloqram heroin götürülüb.

Məzarlardan birinin ətrafına çəkilmiş alüminiumdan olan çəpər oğurlamaqda şübhəli bilinən Cəlilabad rayonunun Günəşli kənd sakini Tural Vəliyev tutulub
22 may 2017

Mayın 12-də Cəlilabad rayonunun Günəşli kəndindəki qəbiristanlıqda məzarlardan birinin ətrafına çəkilmiş alüminiumdan olan çəpər oğurlanıb.
Cəlilabad RPŞ əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Günəşli kənd sakini Tural Vəliyev tutulub.