Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Qəbiristanlıqdan oğurluq edən saxlanılıb
14 yanvar 2018 Sabunçu Rayon Polis İdarəsinin 14-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində yanvarın 13-də Bilgəh qəsəbəsi ərazisindəki qəbiristanlıqda qəbirlərdən birinin kənarına quraşdırılan alüminiumdan olan çəpəri oğurlamaqda şübhəli bilinən 2 nəfər saxlanılıb.

Araşdırmalarla onların paytaxt sakinləri Hüseyn Ağayev və Kamran Ağayev olmaları müəyyən edilib.

Faktla bağlı cinayət işi başlanılıb, araşdırma aprılır.
Yasamal rayonu ərazisində törədilən qətlin üstü “isti izlər”lə açılıb
14 yanvar 2018Polis və prokurorluq orqanları əməkdaşları tərəfindən peşəkarlıqla həyata keçirilən təxirəsalınmaz istintaq hərəkətləri və əməliyyat-axtarış tədbirləri nəticəsində Yasamal rayonu ərazisində törədilən qətlin üstü “isti izlər”lə açılıb və cinayəti törətməkdə şübhəli bilinən şəxs tutularaq istintaqa cəlb edilib.

Yanvarın 14-də Bakı şəhər sakini Şahin Ələsgərovun kəsilmiş-deşilmiş xəsarətlə xəstəxanaya gətirilməsi və orada ölməsi barədə Yasamal Rayon Polis İdarəsinin 29-cu Polis Bölməsinə məlumat daxil olub.

Dərhal rayon Polis İdarəsi və prokurorluğu əməkdaşları tərəfindən müvafiq tədbirlər həyata keçirilib.

Peşəkarlıqla həyata keçirdilən istintaq və əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Bakı şəhər sakini Vidadi Rzayev saxlanılaraq istintaqa cəlb olunub.

Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb.

Hazırda iş üzrə zəruri  istintaq və əməliyyat-axtarış tədbirləri davam etdirilir.

Soyğunçuluq etməkdə şübhəli bilinən paytaxt sakinləri Pərviz Quliyev və Elməddin Quliyev saxlanılmışlar
14 yanvar 2018

Yanvarın 14-də paytaxtın Nizami rayonu ərazisində 2 naməlum şəxs Bakı şəhər sakini Elmar Məmmədovun 113 manatını açıq talama yolu ilə almışlar.
Nizami RPİ 24-cü PB əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən paytaxt sakinləri, əvvəllər məhkum olunmuşlar Pərviz Quliyev və Elməddin Quliyev saxlanılmışlar.

Avtomobil qaçırmaqda şübhəli bilinən Gəncə şəhər sakini Sənan Cümşüdov saxlanılmışdır
14 yanvar 2018

Yanvarın 14-nə keçən gecə Gəncə şəhəri ərazisindən şəhər sakini Süleyman Süleymanova məxsus “VAZ-2107” markalı avtomobili qaçırmaqda şübhəli bilinən həmyerlisi Sənan Cümşüdov Nizami (Gəncə) RPİ-nin əməkdaşları tərəfindən saxlanılmışdır. 

İmişli rayonunun Telişli kəndində yol-nəqliyyat hadisəsi
14 yanvar 2018

Yanvarın 14-də saat 9 radələrində İmişli rayonunun Telişli kəndində rayon sakini Pənah Kərimovun idarə etdiyi “VAZ-2105” markalı və Saatlı şəhər sakini Süleyman Nəsirovun idarə etdiyi “Toyota” markalı avtomobillər toqquşmuşdur. Nəticədə xəstəxanaya yerləşdirilmiş P.Kərimov orada ölmüşdür.
İmişli RPŞ tərəfindən araşdırma aparılır.

Goranboy rayonunun Azad kəndində yol-nəqliyyat hadisəsi
14 yanvar 2018

Yanvarın 14-də saat 22 radələrində Goranboy rayonunun Azad kəndində Kürdəmir rayon sakini Malik Süleymanov idarə etdiyi “VAZ-2107” markalı avtomobillə yolu keçən Quşçular kənd sakini Həbib Abbasovu vurmuş və nəticədə piyada hadisə yerində ölmüşdür.
Baş İstintaq və Təhqiqat İdarəsi tərəfindən araşdırma aparılır.

3 evdən pul, qızıl və məişət əşyaları oğurlamaqda şübhəli bilinən İmişli rayon sakini Anar Əzizov saxlanılmışdır
14 yanvar 2018

Nəsimi RPİ 19-cu PB əməkdaşlarının keçirdikləri əməliyyat-axtarış tədbirləri nəticəsində ötən ilin dekabr ayının 9-dan yanvarın 12-dək rayon ərazisindəki 3 evdən pul, qızıl və məişət əşyaları oğurlamaqda şübhəli bilinən İmişli rayon sakini Anar Əzizov saxlanılmışdır.

2 baş inək oğurlamaqda şübhəli bilinən Saatlı rayonunun Yeni Novruzlu kənd sakini Saleh Yusifov saxlanılmışdır
14 yanvar 2018

Yanvarın 14-nə keçən gecə Saatlı rayonunun Yeni Novruzlu kəndində Ramin Soltanovun həyətindən 2 baş inək oğurlanmışdır.
RPŞ əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən həmyerlisi, əvvəllər məhkum olunmuş Saleh Yusifov saxlanılmışdır.

Ağdaş rayonunun Kotavan kənd sakini Elvin Şıxəliyevdən tüfəng götürülmüşdür
14 yanvar 2018

Ağdaş RPŞ-nin əməkdaşları tərəfindən Kotavan kənd sakini Elvin Şıxəliyevdən “TOZ-16” markalı tüfəng götürülmüşdür.

Sabirabad rayonunun Zalqarağac kənd sakini Röyal Mustafayevdən və Qaragüney kənd sakini Azadxan Muradovdan tüfənglər götürülmüşdür
14 yanvar 2018

Sabirabad RPŞ-nin əməkdaşları tərəfindən Zalqarağac kənd sakini Röyal Mustafayevdən “TOZ-16”, Qaragüney kənd sakini Azadxan Muradovdan "İJ-16" markalı tüfənglər götürülmüşdür.