Axtarış

Virtual Karabakh Karabakh Justice for khojaly

Krimnal xronika

tarixindən tarixinə
Arvadı Axirə Nadirovanı qətlə yetirməkdə şübhəli bilinən Kürdəmir rayon sakini Elgün Ağasənov saxlanılmışdır
09 yanvar 2018

Yanvarın 9-da Abşeron rayonunun Xırdalan şəhəri 20 Yanvar küçəsindəki evlərdən birinin həyətində Kürdəmir rayon sakini Elgün Ağasənov münaqişə zəminində arvadı Axirə Nadirovaya bıçaqla xəsarət yetirib hadisə yerini tərk etmişdir. Nəticədə A.Nadirova hadisə yerində ölmüşdür.

Abşeron RPİ əməkdaşlarının keçirdikləri əməliyyat-axtarış tədbirləri nəticəsində E.Ağasənov saxlanılmışdır.

Araşdırma aparılır.

Ağacları kəsməkdə şübhəli bilinən şəxslər müəyyən edilərək saxlanılıblar
09 yanvar 2018

Ötən il fevralın 23-də Xətai rayonunun Sarayevo küçəsində 6 ədəd, iyunun 9-da və 28-də isə Neapol küçəsində 32 ədəd şam və digər ağacların kəsilməsi faktları ilə əlaqədar Rayon Polis İdarəsində Cinayət Məcəlləsinin  259-cu (Qanunsuz ağac kəsmə) maddəsi ilə cinayət işi başlanmışdır.

Həyata keçirilən əməliyyat-axtarış tədbirləri nəticəsində ağacları kəsməkdə şübhəli bilinən şəxslər müəyyən ediliblər. 

Bakı şəhər sakini Mehdi Kərimov, Ucar rayon sakini Rauf İsmayılov, Siyəzən rayon sakini Elşad Quliyev və Qubadlı rayon sakini Məqsəd Babayev polis əməkdaşları tərəfindən saxlanılaraq istintaqa təhvil veriliblər.     
Araşdırma aparılır.

Avtomobil qaçırmaqda şübhəli bilinən şəhər sakini Yunis İmanov saxlanılmışdır
09 yanvar 2018

Yanvarın 9-na keçən gecə Xırdalan şəhərinin ərazisindən şəhər sakini Ehtiram Nəcəfova məxsus “VAZ-2106” markalı avtomobil qaçırılmışdır.

Abşeron RPİ əməkdaşlarının keçirdikləri əməliyyat-axtarış tədbirləri nəticəsində avtomobili qaçırmaqda şübhəli bilinən şəhər sakini Yunis İmanov saxlanılmış, avtomobil isə Yasamal rayonu ərazisində tapılmışdır.

Abşeron RPİ tərəfindən araşdırma aparılır.

Suraxanı rayonunun Bülbülə qəsəbəsində yol-nəqliyyat hadisəsi
09 yanvar 2018

Yanvarın 9-da saat 9 radələrində Suraxanı rayonunun Bülbülə qəsəbəsində Bakı şəhər sakini Abuzər Quliyev idarə etdiyi “Hyundai” markalı avtomobillə yolu keçən paytaxt sakini Fədiyar Camalovu vurmuş və nəticədə piyada hadisə yerində ölmüşdür.
Suraxanı RPİ tərəfindən araşdırma aparılır.

Göyçay rayonunun Kürdəmiş kəndində yol-nəqliyyat hadisəsi
09 yanvar 2018

Yanvarın 9-da saat 15 radələrində Göyçay rayonunun Kürdəmiş kəndində rayon sakinləri Zahir Səbzəliyevin idarə etdiyi “Toyota” və Abbas Məmmədovun idarə etdiyi “Mercedes” markalı avtomobillər toqquşmuşdur. Nəticədə A.Məmmədov hadisə yerində ölmüşdür.
Göyçay RPŞ tərəfindən araşdırma aparılır.

Velosiped oğurlamaqda şübhəli bilinən Hacıqabul rayon sakini Asəf Cəbrayılov saxlanılmışdır
09 yanvar 2018

Qaradağ RPİ 38-ci PB əməkdaşlarının keçirdikləri əməliyyat-axtarış tədbirləri nəticəsində ötən il dekabrın 9-da Sahil qəsəbə sakini Ələddin Baxşıyevin velosipedini oğurlamaqda şübhəli bilinən Hacıqabul rayon sakini Asəf Cəbrayılov saxlanılmışdır.
Ətrafında aparılan tədbirlərlə onun ötən ilin dekabr ayında Sahil qəsəbəsinin ərazisində yerləşən parkda işıq torşerlərinin qapaqlarını və 1 “KamAZ” markalı avtomobildən akkumulyator oğurlaması da müəyyən edilmişdir.

Mobil telefon oğurlamaqda şübhəli bilinən Yevlax rayon sakini olan 1 yeniyetmə saxlanılıb
09 yanvar 2018

Yanvarın 9-na keçən gecə Nərimanov rayonu ərazisindəki mağazaların birindən mobil telefon oğurlamaqda şübhəli bilinən Yevlax rayon sakini olan 1 yeniyetmə 16-cı PB-nin əməkdaşları tərəfindən saxlanılmışdır. Ətrafında aparılan tədbirlərlə onun ötən ilin dekabr ayında 3 həyətyanı sahədən su mühərriki, velosiped və geyim əşyaları oğurlaması da müəyyən edilmişdir.

3 evdən su mühərrikləri oğurlamaqda şübhəli bilinən Şirvan şəhər sakini Pərviz Səfərov saxlanılmışdır
09 yanvar 2018

Nərimanov RPİ 18-ci PB əməkdaşlarının keçirdikləri əməliyyat-axtarış tədbirləri nəticəsində ötən ilin noyabr ayından cari il yanvarın 8-dək olan müddətdə rayon ərazisindəki 3 evdən su mühərrikləri oğurlamaqda şübhəli bilinən Şirvan şəhər sakini Pərviz Səfərov saxlanılmışdır.

İmişli rayon sakini Mirzalı Nuriyev və Yardımlı rayon sakini Elçin Əsədli saxlanılmışlar
09 yanvar 2018

Nizami RPİ 25-ci PB əməkdaşlarının keçirdikləri əməliyyat-axtarış tədbirləri nəticəsində yanvarın 8-də Beyləqan rayon sakin Roman Həsənovu döyüb cibindəki pul və mobil telefonu götürməyə cəhd göstərmiş, müqavimətlə rastlaşdıqlarından hadisə yerini tərk etmiş İmişli rayon sakini Mirzalı Nuriyev və Yardımlı rayon sakini Elçin Əsədli saxlanılmışlar.
M.Nuriyevin ətrafında aparılmış əməliyyat tədbirləri ilə onun yanvarın 8-də Bakı şəhər sakini Bəylər Sadıqlını aldadıb mobil telefonunu alması da müəyyən edilmişdir.

Mobil telefon oğurlamaqda şübhəli bilinən paytaxt sakini Tofiq Əlicabbarov saxlanılmışdır
09 yanvar 2018

Yanvarın 9-da Yasamal rayonu ərazisində xətt avtobusunda Bakı şəhər sakini Nurlan Məmmədovun cibindən mobil telefon oğurlamaqda şübhəli bilinən paytaxt sakini Tofiq Əlicabbarov Yasamal RPİ 27-ci PB-nin əməkdaşları tərəfindən saxlanılmışdır.